Футбол бўйича Италия Кубогининг 1/8 финалида «Женоа» 13 январь, чоршанба куни «Ювентус» майдонига сафар қилди.
Учрашувнинг дастлабки дақиқаларида туринликлар Деян Кулусевскининг голидан кейин олдинга ўтиб олди. 23-дақиқада Альваро Мората мезбонларнинг иккинчи голини урди. Бунга генуяликлар биринчи бўлимда Чиборранинг киритган тўпи билан жавоб қайтарди.
74-дақиқада меҳмонлар ҳисобни тенглаштиришга эришди: Филиппо Мелегони ўзининг супер зарбаси билан Жанлуижи Буффонни доғда қолдирди. Асосий вақтнинг қолган дақиқаларида ҳисоб ўзгармади ва қўшимча бўлимларга мурожаат қилинди.
Қўшимча бўлимларнинг биринчиси якунланаётган бир вақтда Ҳамза Рафия майдон эгаларининг учинчи голини урди. Шу тариқа Андреа Пирло жамоаси мусобақа чорак финалига чиқди.
Мазкур ўйинда «Женоа» иккинчи таркиб билан ҳаракат қилди, шу сабаб кўплаб етакчилар қатори Элдор Шомуродов ҳам майдонга тушмади.
Яна бир ўйинда «Наполи» қуйи лига вакили «Эмполи»ни қийинчилик билан мағлуб этди ва кейинги босқичга йўлланма олди.
Италия Кубоги
1/8 финал баҳслари
13 январь, чоршанба
«Ювентус» — «Женоа» 3:2
Голлар: 1:0 – 2 Кулусевски, 2:0 – 23 Мората, 2:1 – 28 Чиборра, 2:2 – 74 Мелегони, 3:2 – 104 Рафия.«Ювентус»: Буффон, Кьеллини (Бонуччи, 65), Дрегушин, Демирал (Данило, 65), Уэсли (Роналду, 88), Артур, Бентанкур (Рабо, 46), Кулусевски, Портанова (Рафия, 77), Бернардески, Мората.
«Женоа»: Палеари, Гилоне, Гольданига, Бани, Чиборра (Эбонг, 112), Ровелла, Мелегони (Радованович, 105), Пьяца, Лерагер, Думбревану (Малес, 97), Скамакка.
Огоҳлантиришлар: Бентанкур (25), Думбревану (29), Гилоне (41), Гольданига (90), Бани (116), Ровелла (119), Бернардески (120).
«Наполи» — «Эмполи» 3:2
Голлар: 1:0 – 18 Ди Лоренцо, 1:1 – 33 Байрами, 2:1 – 38 Лосано, 2:2 – 68 Байрами, 3:2 – 76 Петанья.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)