Футбол бўйича Испания Суперкубогининг ярим финалида «Реал Сосьедад» ва «Барселона» жамоалари 13 январь, чоршанба куни ўзаро баҳсга киришди.
Учрашувнинг 39-дақиқасида Френки де Йонг каталонларни олдинга олиб чиққан бўлса, иккинчи бўлим дебютида Микель Ойарсабаль пенальтини аниқ ижро этган ҳолда ҳисобни тенглаштирди.
Қолган вақтда ҳисоб ўзгармагач, қўшимча бўлимлар белгиланди. Унда ҳам ғолиб номи аниқ бўлмади. Пенальтилар сериясида эса омад каталонларга кулиб боқди.
Шу тариқа Рональд Куман шогирдлари Испания Суперкубоги финалига чиқди ва ҳал қилувчи баҳсда «Реал» — «Атлетик Б» учрашуви ғолибига қарши ўйнайди.
Испания Суперкубоги
Ярим финал баҳси
13 январь, чоршанба
«Реал Сосьедад» — «Барселона» 1:1
Голлар: 0:1 – 39 де Йонг, 1:1 – 51, пенальти Ойарсабаль.Пенальтилар серияси 2:3
«Реал Сосьедад»: Ремиро, Монреаль, Ле Норман, Горосабел (Сальдуа, 90; Баутиста, 120), Субелдия, Мерино, Гуриди (Барренечеа, 81), Порту (Янузай, 103), Гевара (Субименди, 105), Ойарсабаль, Исак (Виллиан Жозе, 90).
«Барселона»: тер Штеген, Лангле, Альба, Араухо, Мингеса (Фирпо, 114), де Йонг, Бускетс (Пуч, 90), Педри (Пьянич, 90), Дембеле, Гризманн, Брэйтуэйт (Тринкау, 78).
Огоҳлантиришлар: Дембеле (54), Ле Норман (58), Мингеса (97).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)