Молия вазирига 2012—2016 йилларда ўринбосарлик қилган Баҳром Юсупов Қашқадарё вилояти ҳокимига ўринбосар этиб тайинланди. Бу ҳақда «Дарё»га ҳокимлик ахборот хизмати раҳбари Аҳрор Содиқов маълум қилди.
Таъкидланишича, Юсупов Баҳром Музаффарович Зоир Мирзаевнинг ўринбосари — вилоят инвестициялар ва ташқи савдо бошқармаси бошлиғи лавозимига тайинланган.
Баҳром Юсупов 1976 йил Шаҳрисабз туманида туғилган бўлиб, Жаҳон иқтисодиёти ва дипломатия университетини, Япониядаги Сиёсий фанлар миллий институти ва АҚШдаги Оклахома университетини тамомлаган.
У бугунги кунгача Ўзбекистон Республикаси Ташқи иқтисодий фаолият миллий банки акциядорлик жамияти корпоратив бошқарув хизмати бошлиғи сифатида ишлаб келаётган эди.
Изоҳ (0)