АҚШда Майкл Жорданга тегишли бўлган ноёб Mercedes-Benz SLR McLaren 722 Edition аукционга орқали сотилди. 2007 йилда ишлаб чиқарилган купе ҳозирга қадар 1670 километр йўл босган бўлиб, у 695 750 долларга баҳоланган, деб хабар беради Motor.
Mercedes-Benz SLR McLaren 722 Edition — 650 от кучи (820 Нм)ни тақдим этишга қодир 5,4 литрли компрессор моторга эга немис-британ суперкарининг ноёб махсус версияси.
Шасси рақами 001327 бўлган купедан дунёга машҳур баскетболчи Майкл Жордан фойдаланган бўлиб, у ҳозирга қадар идеал ҳолатини сақлаб қолган: кузов каноник кумушрангга бўялган, салони карбон, қора чарм ва алкантара билан қопланган, 722 Edition версиясини ташқи томондан ностандарт дискалар, «тонировка» қилинган оптикаси, оригинал диффузорлари ва шиналари орқали ажратиб олиш мумкин.
Одометрга кўра, NBA’нинг олти карра чемпиони суперкардан у қадар кўп фойдаланмаган: бескетболчи бир неча йил давомида Mercedes-Benz SLR McLaren ёрдамида 1000 мил босиб ўтган, машинанинг ундан кейинги эгаси эса уни коллекцияда сақлаган.
Ажойиб тарихга эга суперкар нархи рекорд ўрнатмади: Жорданга тегишли бўлган купе 695 минг долларга сотилган, 2,5 йил олдин эса Mercedes-Benz музейидаги SLR McLaren 722 Edition бундан икки баробар қимматроққа сотилган эди.
Эслатиб ўтамиз, 2020 йилнинг августида америкалик афсонавий баскетболчи Майкл Жорданга тегишли бўлган Mercedes-Benz С600 eBay онлайн аукцион орқали сотилган эди. Ўзининг кимлигини ошкор қилмаган харидор Lorinser тюнинг-ательеси томонидан таъмирланган купе учун 202,2 минг доллар тўлаган.
Изоҳ (0)