Ўзбекистоннинг Фарғона водийсида жойлашган учта вилояти – Наманган, Андижон ва Фарғонада 11 январга ўтар кечаси ерости силкинишлари қайд этилди. Бу ҳақда Ўзбекистон Фавқулодда вазиятлар вазирлиги Сейсмопрогностик мониторинг маркази маълум қилди.
Маълум бўлишича, 11 январь куни Тошкент вақти билан 00:38 да Қирғизистон ҳудудида, Тошкент шаҳридан 363 километр жануби-шарқий йўналишда зилзила содир бўлган. Эпитцентрда зилзила кучи 4 магнитудани ташкил этган; зилзила ўчоғи 20 километр чуқурликда бўлган.
Ерости силкинишлари кучи Наманган шаҳрида (зилзила эпитцентридан 158 километр узоқликда) 2 баллни, Андижон шаҳрида (107 километр) 2 баллни ва Фарғона шаҳрида (168 километр) 2 баллни ташкил этган. Ўзбекистоннинг бошқа шаҳарларида зилзила сезилмаган.
Аввалроқ, 1 январь куни Тошкент шаҳрида 3 баллик зилзила қайд этилгани, 26 декабрь куни эса Ўзбекистоннинг аксарият шаҳарлари бўйлаб давомли ерости силкинишлари сезилгани ҳақида хабар берилган эди.
Изоҳ (0)