O‘zbekistonning Farg‘ona vodiysida joylashgan uchta viloyati – Namangan, Andijon va Farg‘onada 11-yanvarga o‘tar kechasi yerosti silkinishlari qayd etildi. Bu haqda O‘zbekiston Favqulodda vaziyatlar vazirligi Seysmoprognostik monitoring markazi ma’lum qildi.
Ma’lum bo‘lishicha, 11-yanvar kuni Toshkent vaqti bilan 00:38 da Qirg‘iziston hududida, Toshkent shahridan 363 kilometr janubi-sharqiy yo‘nalishda zilzila sodir bo‘lgan. Epitsentrda zilzila kuchi 4 magnitudani tashkil etgan; zilzila o‘chog‘i 20 kilometr chuqurlikda bo‘lgan.
Yerosti silkinishlari kuchi Namangan shahrida (zilzila epitsentridan 158 kilometr uzoqlikda) 2 ballni, Andijon shahrida (107 kilometr) 2 ballni va Farg‘ona shahrida (168 kilometr) 2 ballni tashkil etgan. O‘zbekistonning boshqa shaharlarida zilzila sezilmagan.
Avvalroq, 1-yanvar kuni Toshkent shahrida 3 ballik zilzila qayd etilgani, 26-dekabr kuni esa O‘zbekistonning aksariyat shaharlari bo‘ylab davomli yerosti silkinishlari sezilgani haqida xabar berilgan edi.
Izoh (0)