Тошкент шаҳри Яшнобод туманида хизмат Lacetti’сининг бошқарувини йўқотган ЙПХ ходими дарахтга бориб урилди. Бу ҳақда ИИВ ЙҲХББ ахборот хизмати хабар берди.
9 январь куни соат 00:20 ларда Яшнобод тумани Паҳлавон Маҳмуд кўчасида ҳайдовчи, 1986 йилда туғилган Тошкент шаҳар ИИББ ЙҲХБ ЙПХ ходими О.И. Lacetti русумли, 01 661 VSC давлат рақам белгили махсус хизмат автомобилида ҳаракатланаётиб бошқарувни йўқотган ва йўл четидаги дарахтга урилган», — дейилади хабарда.
Таъкидланишича, ЙТҲ натижасида тан жароҳати олганлар йўқ. Мазкур ҳодиса юзасидан суриштирув ишлари олиб борилмоқда.
Аввалроқ Сурхондарёда ҳайдовчига «ялинган» ЙПХ ходими ишдан олингани ҳамда Қашқадарёда фуқароларни сўккани айтилаётган ЙПХ инспекторига ҳайфсан берилгани ҳақида хабар берилганди.
Изоҳ (0)