Ijtimoiy tarmoqda 2021-yilning 5-yanvar kuni “Qashqadaryo GAIlari TikTok’da ham birinchilikni da’vo qilishayotganga o‘xshaydi” sarlavhasi ostida videolavha tarqaldi. Holat yuzasidan YHXBB ma’lumot berdi.

Foto: Ijtimoiy tarmoq

Videolavhadagi holat 2021-yil 5-yanvar kuni soat 09:10 larda Qashqadaryo viloyati G‘uzor tumanida sodir bo‘lgan bo‘lib, holat yuzasidan viloyat IIB YHXB tomonidan xizmat tekshiruvi o‘tkazilgan.

O‘tkazilgan xizmat tekshiruvi xulosasiga ko‘ra, O‘zbekiston Vazirlar Mahkamasining 2018-yil 1-dekabrdagi 975-son qarori bilan tasdiqlangan “Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanishi tartibi to‘g‘risida”gi nizomi hamda IIVning me’yoriy buyrug‘i talablarini buzganligi uchun Qashqadaryo viloyati G‘uzor tumani IIB YHXB DYHXX katta inspektori F.Normurodovga hayfsan intizomiy jazosi qo‘llanilgan.

Avvalroq Qashqadaryoda bodikamerasiz faoliyat yuritgan YPX xodimiga, Toshkentda YPX xodimini mashinasi kapotida sudrab ketgan haydovchiga chora ko‘rilgani haqida xabar berilgandi.