Одатда банан истеъмол қилинганидан сўнг дарҳол унинг пўстлоғи чиқинди қутисига ташланади. Аммо унга яширинган бир қанча фойдалардан кўпчилик бехабар бўлиши турган гап. Woman’s day нашри айнан банан пўстлоғини ташлаб юбормасликка арзийдиган бир қанча фойдали маълумотларни тақдим этди.
Ялтироқ пойабзаллар
Ҳар куни ишга боришдан аввал оёқ кийимларни тозалашни унутмаслик керак. Лекин совуқ мавсумда чарм этиклар эскирганлиги дарҳол сезилади. Бунинг учун энг яхши ёрдамчи – банан пўстлоғи ҳисобланади. Оддийгина пўстлоқ орқали уларнинг ёрқинлигини қайтариш мумкин. Бунинг учун пўстлоқнинг ички юмшоқ томони ишлатилади. Унинг таркибида ёрқинликни тикловчи мева кислоталари мавжуд бўлиб, пўстлоқдан сўнг пойабзал юзасини жун мато билан артиш тавсия этилади.
Топ-тоза идишлар
Кумуш металларни тозалаш баъзида қийинчиликлар туғдиради. Уларни оқартириш учун кўп ҳаракат қилиш зарур. Банан пўстлоғи эса жуда тез равишда уларнинг ёрқинлигини тиклайди. Қошиқ, санчқи, тарелка ва стаканларни пўстлоқнинг юмшоқ тарафи билан артиш зарур. Натижаси бир неча дақиқадан сўнг аён бўлади.
Гуллар олами
Айниқса, гуллар учун қиш мавсуми бироз муаммоларни пайдо қилиши мумкин. Чунки уй ичида уларнинг одатдагидек ўсишига шароит етарли бўлмайди. Бундай вақтда банан пўстлоқлари майда бўлакларга бўлиниб, гул тувакларига кўмиб қўйиш тавсия этилади. Ушбу воситадан самаралироқ ўғитни топиш қийинлиги шубҳасиз.
Яшил ўсимликлар
Барглари катта бўлган уй ўсимликларнинг кўриниши яхши эмасми? Уларнинг баргларини банан пўстлоғининг юмшоқ қисми билан артиб чиқиш зарур. Ушбу жараён ўсимликларни чангдан ҳимоя қилиши билан бирга, баргларни озиқлантиради ва янада ёрқинлаштиради.
Чиройли табассум
Тиш оқартирувчи воситаларга қанча пул сарфлаган билан бир стакан чойдан сўнг улар яна аввалги ҳолига қайтади. Энг арзон ва самарали усул эса тишлар тозалангандан сўнг шунчаки банан пўстлоғида артишдир. Пўстлоқ таркибидаги минераллар туфайли тишдаги кариес ривожланиши ҳам бартараф этилади. Икки ҳафта мунтазам тозалаш мобайнида тишлар оқарганини сезиш мумкин. Куни бўйи тетик юриш учун истеъмол қилинган банан мевасидан кейин унинг пўстлоғидан чиройли табассум учун фойдаланишни унутмаслик зарур.
Юмшоқ қўллар
Доимий мавсум ўзгариши туфайли терида ҳам турли ҳолатлар рўй беради. Ҳаммасидан ҳам кўра кўпроқ қўл териси зарарланади. Қуриш, ёрилиш каби ҳолатларни эса ҳар қандай крем ҳам бартараф этмаслиги мумкин. Аммо банан пўстлоғи билан ушбу муаммони ҳам ҳал этиш мумкин. Унинг юмшоқ томони билан артилган тери юзасида қизариш, ачишиш енгиллашади. Шунингдек, ундан чивин, асал ари чақиши ва ҳатто тирналишдан кейин ҳам фойдаланиш самарали ҳисобланади.
Қизил яноқлар
Инсондаги чарчоқ ҳиси унинг юзларида дарҳол акс этади. Уни тиклаш учун эса банан пўстлоғининг юмшоқ томонида артиш ва бу орқали терини намлаш мумкин. Ҳафтада бир неча марта такрорланган ушбу жараён натижасида яноқлар яна ўз ҳолига қайтади. Айниқса, бироз вақтдан сўнг кичик ажинлар йўқолиши ҳам мумкин.
Қалин сочлар
Сочларни қалинлаштиришда ҳам банандан унумли фойдаланиш зарур. Бунинг учун унинг пўстлоғи жуда майда бўлакларга бўлинади ва шампунга қўшиб ювилади. Тез шароитда тайёр бўлган сочларни озиқлантирувчи воситадан сўнг сочлар қалин ва порлоқ бўлганини сезиш мумкин. Шунингдек, сочларни электрлашиши ҳам камаяди.
Сезилмас кўкаришлар
Турли хил жароҳатлар туфайли пайдо бўлган кўкаришларни йўқотишда ҳам банан пўстлоғи ёрдам беради. Бир соат оралиғида компрессни янгилаш мумкин. Бир кунда икки-уч маротаба ушбу жараённи қўллаш тавсия этилади. Натижа бир неча кундан сўнг намоён бўлади.
Соғлом оёқлар
Ушбу ниқоб оёқлар учун жуда фойдали бўлиб, куни бўйи тўпланган чарчоқ ҳисини бартараф этади. Бунинг учун банан пўстлоғи блендр ёрдамида майдаланади, устидан бир чой қошиқ ичимлик содаси ва озроқ сув солинади. Оёққа сурилганидан сўнг 20 дақиқа ушлаб турилади ва муздек сув билан ювилади. Сўнгра озиқлантирувчи крем сурилади.
Мазали гўшт
Ушбу маслаҳат, айниқса, товуқ гўшти учун мос келади. Баъзида гўштнинг қаттиқ ёки сувсизланиши натижасида у аввалгдек маза бермаслиги мумкин. Шунинг учун уни пиширишдан аввал това юзасини банан пўсти билан артиб ташлаш тавсия этилади. Фақатгина това юзаси тоза бўлиши шарт.
Изоҳ (0)