Ҳар кимнинг ўз ҳикояси ва ўзига яраша кечинмалари бўлади. Баланд чўққиларни забт этишни кўзлаган инсон қийинчиликларни енгишни ҳам билиши, ҳар гал қоқилганидан кейин уст-бошини қоқиб йўлида давом этиши керак. У ёки бу соҳада донг таратиш, ишининг устаси бўлиш ёки шахсий муносабатлар борасида омад чопиши ҳам инсоннинг ўзига ва танлаган йўли, ҳаётдан олган сабоқларига боғлиқ. Тўғри хулоса чиқариш, ҳар қандай вазиятда ҳам енгилмаслик учун эса муваффақиятга эришган инсонларнинг қарашлари қайсидир маънода туртки бўлиши мумкин.
Мэй Маскнинг «Режаси бор аёл: бахтли ҳаёт қоидалари» китобидан:
«Модель сифатидан мен 10 тадан 9 марта рад жавобини оламан. Бирор нима ўхшамаганида бунинг сабабини қидириш керак. Кўп аёллар ўз кучига ишонмайди. Улар ҳамма соҳада муваффақиятга эришиш керак деб ҳисоблайди, атрофдагиларнинг танқидидан эзилади ёки ҳаммасини бирданига амалга оширмоқчи бўлади ва муваффақиятга эриша олмайди. Уддасидан чиққан ишингиз билан шуғулланинг ва ҳар жабҳада мутлақ энг яхши бўлишга интилманг».
Крисси Тайгеннинг шахсий блогидан:
«Мен билан боғлиқ воқеа (боласи тушиб қолган) юракларингизда қайғули из қолдирганидан афсусдаман. Аммо шундан кейин ҳаётимда инсонларнинг яхши амаллари билан боғлиқ лаҳзалар пайдо бўлди. Дўконга борганимда сотувчи билдирмасдан харид аравачам ичига гул солиб қўйибди. Баъзида одамлар менга хат юборади. Аксари аёллар бундай қувончли кичик лаҳзаларни ҳис қила олмаслигидан афсусдаман. Сиз билан боғлиқ ҳодисалар билан бўлишидан қўрқмаслигингизни ҳамда сизга қалбини очаётган инсонларга бефарқ бўлмаслигингизни сўрайман. Баъзилар ҳали ҳам сукут сақлашни афзал билгани сабаб ҳам барчага яхши муносабатда бўлинг».
Кейт Миддлтоннинг 2020 йил февралда Happy Mum подкасти бошловчиси билан суҳбатидан:
«Болалар билан бирга сайр қилиш каби энг оддий ишларни амалга ошириш қанчалик муҳим эканлигини жуда яхши биламан. Барча қийинчиликларга қарамасдан, ота-она сифатида биз мана шундай оддий лаҳзалар фарзандларимиз хотирасида қолишини ёдда тутишимиз керак. Мен бу буни ёддан чиқармасликка ҳаракат қиламан. Қизим Шарлоттанинг қўнғироқ гулни ҳидлаётгани акс этган сурати бор ва айнан шу суратга муҳрлангани каби онлар мен учун катта аҳамиятга эга. Мен ҳар куни мана шунга ўхшаш ҳатто аҳамиятсиздек туюлган кичик нарсаларни вақтим бўлмаса ҳам қайд этишга ҳаракат қиламан. Болалигингиз билан боғлиқ қайси хотираларни эслай оласиз? Дам олиш кунлари дарс бажариб ўтирганингизними ёки ота-онангиз билан оловда сосиска пиширганингизними? Истардимки, фарзандларим оиламизни соҳилга бирга борадиган ҳолда эслаб қолсин. Уларнинг хотирасида уйдаги стрессли вазиятлар муҳрланишини хоҳламаган бўлардим».
«Мен доим фарзандларим олдида ўзимни айбдор ҳис қилиш ҳисси билан курашаман. Буни ҳис қилмаслигини таъкидлайдиган аёлларни алдайди, деб ўйлайман. Ушбу туйғу фарзанд дунёга келиши биланоқ пайдо бўлади. Шу билан бирга, катта масъулиятни ҳам ҳис қиламан. Сўнгги йиллар давомида, ҳатто ҳомиладорлик вақтимда ҳам бошқачароқ амалга оширишим мумкин бўлган кўп нарсани ўргандим. Онанинг эмоционал ҳолати тўғридан-тўғри болада акс этади. Учинчи фарзандимга ҳомиладор вақтим нима яхши эканини биринчисига ҳомиладор вақтимдан кўпроқ тушунганман».
Аня Тэйлор-Жой Marie Claire журналининг 2020 йил октябрь сони учун берган интервьюсидан:
Бетнинг хислатларидан менга энг ёққани («Қироличанинг юриши» сериалида Ана Тэйлор-Жой гавдалантирган бош қаҳрамон) аёлнинг 1960 йилда яшашига қарамай, ўша даврга хос: ‘Сен қиз боласан, буни исташинг мумкин, буни йўқ, дунё сени мана шундай кўришни истайди’, деган стандарт меъёрлари ва кўрсатмаларига риоя қилмайди. Кишининг жинси ёки ўзини қандай идентификация қилиши орзуларни чекламаслиги, шуғулланиш мумкин бўлган иш ёки соҳани белгилаб бермаслиги керак».
Александрия Окасио-Кортеснинг 2020 йил июлдаги нутқидан:
«Фикримча, қиз фарзанд ўстирган ҳар қандай эркак виждонли инсон бўлиб қолмайди. Рафиқаси борлиги ҳам уни виждонли қилиб қўймайди. Бошқаларга ҳурмат-иззат ва муносиб муносабатда бўлган инсонгина виждонли бўлади».
Леди Гаганинг CBS Sunday Morning’га берган интервьюсидан:
«Ҳаётимда эрталаб уйғонганимда ўзимни Леди Гага эканлигимни эслаб, ғамга ботган давр бўлди. Мен таниқлилигим, юлдузлигимдан нафратланганман. Оиламдан бошқа яшаш учун сабаб топа олмаганман. Бундай оғир тушкунлик мени узоқ вақт тарк этмади ва мен ҳеч нима қила олмадим. Кейин эса ва ниҳоят қўшиқ ёзишга қайтдим ва кечинмаларимни мусиқа орқали ифодалашга ҳаракат қилдим. Эндиликда мен Леди Гагани ёмон кўрмайман. Энди пианинога қараб: ’Бу мен яхши кўрадиган пианино. У инсонлар мени тинглашларига имкон беради’, деб ўйлайман».
Долли Партоннинг Marie Claire’га берган интервьюсидан:
«Ўзим ҳақимдаги қўшиқларни ёзиш вақти ақлим, қалбим ва ҳис-туйғуларим сўзлаган кечинмаларни қоғозга тушираман. Аммо менда эмпатия юқори даражада бўлгани сабаб ҳам бошқа одамлар, уларнинг бошидан ўтган нарсалар ҳақида ҳам ёза оламан. Одамларни чин қалбдан, самимий яхши кўраман, бир одамда қандайдир яхши хислат топишга ҳаракат қиламан. Дунёда содир бўлаётган нарсалар менга таъсир қилиши ва мен бу ҳақида ёза олишимдан бахтлиман. Мусиқачи сифатида бу мен учун жуда муҳим. Қўшиқ мен учун ҳамма нарса. Ҳар бир одам янги қўшиқ».
Мэй Маскнинг МC@WORK 2020 конференциясида Александр Ципкин билан суҳбатидан:
«Аёлнинг она бўлишни исташи яхши, аммо у фарзанднинг вояга етиши ва шундан кейин шуғулланишга бошқа юмуш топиши кераклигини тушуниши керак. Барчамизда узоқ муддатли стратегия бўлиши керак».
Наталья Водянова Marie Claire’даги мақоладан:
«Пандемия, табиий ҳалокатлар, сиёсий ва ҳарбий ихтилофлар — ушбу йил ҳаётни ағдар-тўнтар қилиш бўйича рекорд қўйди. Аммо ҳаётий вазият ва атрофдаги инсонларга қандай муносабатда бўлиш ҳар қандай даврда ҳам инсоният назорати доирасида қолади. Айнан ҳозир қийинчиликларни енгиб ўтиш учун ҳар қачонгидан ҳам кўпроқ бирлашиш кераклигига ишончим комил. Бунинг учун бир-биримизни тинглашни билиш жуда ҳам муҳим. Ҳаёт турфалиги билан гўзал, бошқалардан ажралиб туриш ва ностандарт ёндашув бизнес ва санъатда анчадан бери қадрланади».
Изоҳ (0)