Дўмбоққина қизларнинг Янги йил байрамида киядиган либоси қандай бўлиши мумкин? Албатта, қоматни иложи борича ихчам кўрсатадиган ҳамда урфга мос бўлиши керак. Лекин бу борада улар кўп қийинчиликларга учрагани учун ҳам доимгидек кенг, қоматни беркитадиган ва трендда бўлмаган кийимлар билан кифояланади. Қуйида айнан байрам зиёфатига ҳаммадан ҳам кўра кўпроқ чиройли бўлиш имконига эга бўлган тўладан келган хонимлар учун бир қанча тавсиялар берилган.
Ҳамиша қоматни тўғри баҳолашга ҳаракат қилиш лозим. Бунинг учун белга урғу бериш, чиройли декольте ҳамда узун ёки қоматга мос ҳолда тикилган либос танлаш керак.
Ҳажман катта оёқ кийимлардан воз кечиш керак. Бу каби пойабзаллар байрам учун ҳам, байрамона либос учун ҳам мос келмайди. Нафисликка эътибор берган ҳолда ихчам ва ёпиқ туфлилар танлаш тавсия этилади.
Бироз дўмбоқ кўришдаги аёллар вертикал чизиқли либослардан унумли фойдаланиши керак. Албатта, диагонал чизиқли либослар ҳам кийиши мумкин, бундай либосларни узун маржон ва камар ёки бошқа деталлар билан бойитиш керак.
Шунингдек, ташқи кўринишга замонавий элементларни қўшишдан хавфсирамаслик зарур. Замонавий заргарлик буюмлари, нақшлар, турли хил кўринишдаги босмали расмлар каби.
Энг муҳими, ёрқин ранглардан қўрқмаслик керак. Қора рангда, аммо хунук бичимда тикилган кўйлак ҳам ҳар қандай мукаммал силуэтни бузиши мумкин. Шунинг учун янгилик яратишдан чўчимаслик зарур.
Сумка танлашда ҳам эътиборли бўлиш тавсия этилади. Кўпчилик бунга аҳамият бермайди. Лекин жуда кичик сумкалар унинг эгасини янада йирикроқ кўрсатиши мумкин.
Қомат шаклини тўғри баҳолаш зарур. Айрим дўмбоқ аёлларнинг қомати нок шаклида бўлиб, улар белни таъкидлайдиган қуйидаги либосларда ҳар қадай зиёфатда кўриниш бериши мумкин.
Агар асосий ҳажм қоринда бўлса ва бел шакли сезилмаса, қуйидаги вариантлар мос келади.
Изоҳ (0)