Қора рангни унутинг: Рангли этиклар энг яхши танлов эканлигининг 9 исботи (фото)

Ҳар йили қиш мавсумида этик харид қилишни режалаштираётган хонимлар, албатта, анъанага мувофиқ қора ранглисини танлайди. Зерикарли ҳамда ҳеч қандай ўзгариш ҳосил қилмайдиган қора этиклардан воз кечиш қийин бўлса, қуйида юлдузлар мисоли орқали танловга янгиликлар киритишга қарор қилиш мумкин. 

Қора рангли пальто ва оппоқ либос комбинацияси учун иккисидан бирига мос, айниқса, кўпроқ қора этик мос келишини ўйлаганлар адашади. Кэти Холмс танлаган йўлбарс териси туширилган этик кўринишга янги ранг ва кайфият қўшган.

Яна шунга ўхшаш қора ва оқ бурмали либос учун Кристен Белл тўқ қизил рангли этикни уйғунлаштирди. Кўриниш юқоридаги ҳолатдан ҳам ажойиб.

Қора ва оқ рангдаги кийим учун яна бир мисол − Элизабет Сулсер танлаган оқ этик. Агар қора этик танланганида, у қора шим фонида бундай ёрқин кўринишни ҳосил қилмас эди. Оқ ранг эса тасвир қарама-қаршилигини янада кучайтирган.

Наоми Скотт оёқларни визуал тарзда узун кўрсатиш учун кийимига мос ҳолда қизил этик танлаган. Албатта, танлов иш бергани кўриниб турибди.

Рэйчел Скарстеннинг патли либоси ва унга ҳамоҳанг қизил этик ажойиб кўринишни пайдо қилган. Мос тушувчи оёқ кийим ва либослар ичида қизил ранг энг самаралиси ҳисобланади.

Қишки кийимлар орасида қора ва кул ранглари талайгина. Бу рангдаги кийимлар учун эса тўқ қизил рангли оёқ кийимлар мос келади ва ўзгача услуб яратади. Шу билан бирга, тасвирни янада ёрқинроқ қилади. Нур Нилофа ҳам оддийгина босиқ образга айнан этиги туфайли ўзгартириш киритган.

Эрика Болдрин танлаган услуб ҳам чакки эмас. Ушбу кўриниш ҳам мулоҳазали ҳамда замонавийликнинг белгисидир. Юбка ва этик ўртасидаги уйғунлик ҳамда трикотаж матосидаги тепа қисм услубнинг камтарона эканлигидан дарак беради.

Майда гулли миди либослар урфга қайтгани маълум. Мато ранги ёки гулига мос келувчи этиклар эса либосни кўпроқ ёрқинлаштиради. Коби Смалдерс ҳам ана шундай услубни ўзида синаб кўрди ва бу унга чиндан ҳам ярашган.

Қиш фаслидаги зиёфатлар учун ёрқин рангли этиклар байрам либосини осонгина бойитади. Эллис Сабатини ҳам ёрқин рангдаги баҳорий либос билан узун тилларанг этикни уйғунлаштирган. Унинг бундай баҳорий кайфиятни улашувчи кўриниши барчага манзур келиши шубҳасиз.