Наманганда йўллар ҳолатидан келиб чиқиб «қизил», «сариқ» ва «яшил» ҳудудларга ажратилади. Бу ҳақда вилоят ҳокими Шавкатжон Абдураззоқов маълум қилди, дея хабар беради «Дарё» мухбири Азизбек Абдувалиев.
— Янги йилнинг дастлабки кунларини йўллар мавзусидан бошлаётганимиз бежиз эмас. Бу йил Наманганда йўллар биз учун сиёсатга айланади. Ортиқча бир сўм топсак ҳам йўлга сарфлаймиз. Шу орқали йиллар мобайнида эътибордан четда қолган йўлларимиз ҳолатини ўнглаймиз, автомобиль тиқинлари муаммосини ечишга ҳаракат қиламиз, — деди Шавкатжон Абдураззоқов.
Вилоятда 2021 йили умумий узунлиги 415 километр бўлган йўлларни қуриш ва таъмирлаш кўзда тутилган. Бунинг учун 531 миллиард сўмдан ортиқ маблағ сарфланади.
Жумладан, Курнос—Араб—Ғова умумий фойдаланишдаги автомобиль йўлини қуриш, Косонсой—Поп йўналишида 3,6 километр узунликда янги автомобиль йўли барпо этиш режалаштирилмоқда.
Изоҳ (0)