«Тоттенҳэм» Англия Премьер Лигаси 17-тури доирасида 2 январь куни «Лидс»га қарши кечган баҳсда (3:0) гол ва голли узатма муаллифига айланди.
Англиялик футболчи АПЛ 2020/21 йилги мавсумида биринчи бўлиб 10+ гол ва 10+ ассист муаллифига айланди.
Кейн бу кўрсаткични энг тез қайд этиш бўйича лига рекордини ўрнатди. Унга бунинг учун 16 ўйин кифоя қилди. Аввалги рекорд «Арсенал» собиқ ярим ҳимоячиси Францэск Фабрегасга тегишли бўлиб, испаниялик футболчи АПЛ 2009/10 йилги мавсумининг 17 ўйинида 10+10 кўрсаткич қайд этганди.
Шунингдек, Кейн ва Сон Ҳён Мин тандеми ушбу мавсум биргаликда «Тоттенҳэм»нинг 13 голида қатнашди. Бу лига рекордининг такрорланиши бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)