Футбол бўйича Англия Премьер Лигасининг 17-турида «Тоттенҳэм» 2 январь, шанба куни «Лидс»ни қабул қилди.
Учрашув меҳмонларнинг фаол ҳаракатлари билан бошланди, бироқ биринчи бўлим гол уриш майдон эгаларига насиб этди. 29-дақиқада Ҳарри Кейн пенальтини аниқ бажарган ҳолда «шпорлар»ни олдинга олиб чиқди.
Биринчи бўлим якунланиши арафасида Сон Ҳён Мин Кейннинг узатмасидан сўнг қулай вазиятга чиқиб борди ва жамоасининг иккинчи голини урди. Иккинчи бўлим дебютида Соннинг бурчакдан амалга оширган узатмасини Тоби Алдервейрелд дарвозага жойлаб қўйди. Қолган вақтда ҳисоб ўзгармади ва Жозе Моуриньо шогирдлари мавсумни йирик ҳисобдаги ғалаба билан бошлади.
Шу тариқа ушбу ғалабадан кейин «Тоттенҳэм» очколарини 29 тага етказиб олган ҳолда 3-ўринга кўтарилди. «Лидс» (23) эса 11-поғонада қолди.
АПЛ
17-тур баҳси
2 январь, шанба
«Тоттенҳэм» — «Лидс» 3:0
Голлар: 1:0 – 29, пенальти Кейн, 2:0 – 43 Сон Ҳён Мин, 3:0 – 50 Алдервейрелд.«Тоттенҳэм»: Льорис, Доэрти, Дэвис, Алдервейрелд, Дайер, Уинкс (Сиссоко, 76), Ҳёйбьерг, Бергвейн, Ндомбеле (Лукас Моура, 78), Сон Ҳён Мин, Кейн (Винисиус, 87).
«Лидс»: Меле, Эйлинг, Стрейк, Даллас, Клих, Филлипс, Алиоски (Шеклтон, 64), Ҳаррисон (Поведа, 61), Рафинья, Бемфорд, Родриго (Эрнандес, 65).
Огоҳлантиришлар: Уинкс (54), Доэрти (64), Ҳёйбьерг (85), Филлипс (89).
Четлатиш: Доэрти (90+2).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)