Халқаро спорт нашрлари ассоциацияси (АIPS) 2020 йилнинг энг яхши спортчилари номи маълум қилди.
Эркаклар спорти тоифасида «Бавария» ҳужумчиси Роберт Левандовски 620 очко тўплаб, ғолибликни қўлга киритди.
Иккинчи ўриндан Формула-1 чемпиони Льюис Ҳемилтон (546) ўрин олган бўлса, теннисчи Рафаэль Надаль (327) учинчи поғонага лойиқ кўрилди. Шунингдек, кучли бешликдан Леброн Жеймс (баскетбол) ва Арман Дюплантис (енгил атлетика) ўрин олди.
Аёл спортчилар орасида теннисчи Наоми Осака (526) биринчи бўлди. Кейинги ўринлар енгил атлетикачи Юлимар Рохас (331) ва теннисчи Серена Уильямсга (327) насиб этди.
Сўровномада 116 мамлакатнинг (улар орасида Ўзбекистон йўқ) 422 нафар ОАВ ходими иштирок этди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)