Исроилда Pfizer вакцинаси билан коронавирусга қарши эмланган фуқаро юрак хуружидан вафот этди. Бу ҳақда мамлакат Соғлиқни сақлаш вазирлигига таяниб, «Korrespondent.net» хабар қилди.
Мамлакат шимолидан юрак ва саратон касаллигига чалинган, илгари бир неча марта юрак хуружига учраган 75 ёшли эркак бугун эрталаб коронавирусга қарши эмланган ва эмлашдан кўп ўтмай уйда вафот этган.
Бахтсиз ҳодисани текшириш бўйича махсус комиссияни Соғлиқни сақлаш вазирлиги хавфсизлик ва сифат бошқармаси бошлиғи бошқарган.
«Дастлабки текширувда бахтсиз ҳодиса ва эмлаш ўртасидаги боғлиқлик аниқланмади, эмлаш кампанияси давом этмоқда», – дейилади Исроил Соғлиқни сақлаш вазирлиги хабарида.
Маълум қилинишича, Исроилда кунига 150 минг киши коронавирусга қарши эмланади. Соғлиқни сақлаш вазирининг таъкидлашича, мамлакат 24 соат давомида аҳолини доимий равишда эмлаш жараёнидан манфаатдор.
Аввалроқ АҚШда Pfizer вакцинаси билан эмланган икки тиббиёт ходимининг аҳволи ёмонлашгани, синовлардаги 6 кўнгилли эса вафот этгани ҳақида хабар берилганди.
Изоҳ (0)