Канаданинг Оттава шаҳрида содир бўлган ноодатий авария оқибатида минивэн ариққа тушиб кетди. Кўнгилсиз ҳодисага мопс айбдор бўлиб, унинг эгаси итни ўт олдириб қўйилган фургон ичида ёлғиз ташлаб кетган, деб хабар беради Motor.
Микроавтобус эгаси итини ўт олдириб қўйилган автомобили ичига бир неча дақиқага ташлаб кетган. Бу мопс учун қандайдир усул билан узатмалар қутисини ишга тушириш ва минивэнни ариққа қулатиш учун етарли бўлган. Автомобиль ҳаракатланаётганини кўрган эркак уни юраётган жойида тўхтатишга уринган, бироқ барчаси муваффақиятсиз кечган.
Авария жойига етиб келган полициячилар ҳайдовчини двигатели ишлаб турган автомобилни қаровсиз қолдириш мумкин эмаслиги ҳақида огоҳлантирган — ичида ким бўлишидан қатъи назар. ЙТҲ оқибатида микроавтобус эгаси кичик жароҳат билан кифояланган. Тўрт оёқли айбдор эса бир оз қўрқиб қолган холос.
Аввалроқ Австралияда бойўғли авария содир этиб, воқеа жойидан қочиб кетгани тўғрисида хабар берилганди.
Изоҳ (0)