Қорақалпоғистоннинг Элликқалъа тумани ҳудудида 19 декабрь куни содир бўлган йўл-транспорт ҳодисаси оқибатида икки киши ҳалок бўлди. Бу ҳақда Қорақалпоғистон ИИБ ЙҲББ ахборот хизмати хабар берди.
Маълумотларга кўра, авария давлат аҳамиятига эга 4П165 Урганч—Чалиш—Беруний—Бўстон автомобиль йўлининг 36—37-километрларида содир бўлган.
Урганч томон ҳаракатланаётган Cobalt автомобили қарама-қарши йўналишга чиқиб кетиб, Spark билан тўқнашув содир этган. Оқибатда иккала ҳайдовчи ҳам ҳалок бўлган, Cobalt’нинг икки йўловчиси шифохонага ётқизилган.
«Gazeta.uz»нинг маълумотларига кўра, жами уч киши шифохонага ётқизилган — она (39 ёш) ва икки оғил (17 ва 15 ёш). Бундан ташқари, Cobalt ичида бўлган 3,5 ёшли эгизак қизлар ҳам вафот этгани айтилмоқда. Ҳайдовчи уларнинг отаси бўлган.
ЙҲББ маълум қилишича, йўл-транспорт ҳодисасига инсон омили, яъни Cobalt’нинг қарама-қарши йўналишга чиқиб кетгани сабаб бўлган.
Аввалроқ Сирдарёда «ЗИЛ» юк машинаси йўл четида тўхтаб турган Cobalt’га урилиши оқибатида енгил машина ҳайдовчиси, шунингдек, Самарқандда 14 ёшли бола бошқарувидаги Tracker ЙТҲга учраши оқибатида ҳайдовчининг тенгдоши вафот этгани тўғрисида хабар берилганди.
Мавзуга доир:
- Наманганда MAN ва Nexia иштирокида юз берган ЙТҲ оқибатида 6 киши ҳалок бўлди. Улардан 3 нафари вояга етмаган болалар
- Андижонда Lacetti ҳайдовчиси туман сабабли пиёдани уриб кетди. Жабрланувчи касалхонада вафот этди
- Сурхондарёдаги таъмирланаётган йўлда Cobalt ағдарилиб кетди. Ҳайдовчи воқеа жойида вафот этди
Изоҳ (0)