Тошкент шаҳар Сергели тумани Сергели даҳасида яшовчи 2-гуруҳ ногирони С.Л. 2020 йилнинг 15 июнидан буён бедарак йўқолганлиги учун қидирувда бўлган. Мазкур фуқаро Жиззах вилоятидан топилди. Бу ҳақда Жиззах вилояти ИИБ ахборот хизмати хабар берди.
Маълум қилинишича, Жиззах вилояти Дўстлик тумани ИИБ ҳуқуқбузарликлар профилактикаси бўлими бошлиғи Бахтиёр Туйманов ҳамда туман ИИБ навбатчилик қисми катта инспектори Алишер Ҳасановнинг саъй-ҳаракатлари билан 2020 йилнинг 15 июнидан буён бедарак йўқолгани учун қидирувда бўлган мазкур фуқаро ушланган.
Дўстлик тумани «Манас» қишлоқ фуқаролар йиғинида бемақсад юрган фуқаро туман ички ишлар бўлимига келтирилиб, шахсига аниқлик киритиш чоралари кўрилган ҳамда ушбу фуқаронинг Сергели тумани Сергели даҳасида истиқомат қилувчи 2-гуруҳ ногирони С.Л. эканлиги маълум бўлган. Ушбу шахсни яшаш манзилига қайтариш чоралари кўрилган.
Изоҳ (0)