Майкл Жексоннинг қариндошлари HBO’га қарши судда ғолиб чиқди. Эндиликда улар мусиқачи педофилияда айбланган «Неверлендни тарк этиб» ҳужжатли лентасига қарши киритилган апелляцион даъво доирасида 100 миллион доллар компенсация олади. Бу ҳақда The Hollywood Reporter хабар берди.
Қўшиқчининг оиласи HBO 1992 йилда Жексоннинг The Dangerous Tour фильмини намойиш этиш учун эксклюзив ҳуқуқни қўлга киритгани, 27 йил давомида артистнинг обрўсига путур етказадиган ҳар қандай материалларни трансляция қилмаслик мажбуриятини олганини маълум қилган.
Бироқ 2019 йилда телеканал Дэн Риднинг «Неверлендни тарк этиб» картинасини эфирга узатган. Унда икки нафар эркак болалигида Жексон томонидан зўравонликка учраганини сўзлаб берган.
HBO вакиллари шартноманинг мазкур шартини ушбу вазиятга ҳеч қандай алоқаси йўқлигини таъкидлаган. Натижада суд 1992 йилда имзоланган битим ўзаро келишув асосида бўлгани ва орадан 28 йил ўтган бўлса ҳам ҳозирга қадар кучда эканлиги тўғрисида қарор чиқарган.
Ҳозирча HBO суд қарорига ҳеч қандай изоҳ бермаган.
Эслатиб ўтамиз, Майкл Жексон 2009 йили 50 ёшида вафот этган. Унинг ўлимига шахсий шифокори Конрад Мюррей томонидан тайёрланган анестетика инъекцияси сабаб бўлган.
Мавзуга доир: Майкл Жексон кундалигидан махфий қайдлар эълон қилинди
Изоҳ (0)