«Қишлоқ қурилиш банк» Қашқадарё вилоятига пресс-тур ташкил қилди

АТБ «Қишлоқ қурилиш банк» ўз мижозларига кўрсатилаётган барча турдаги банк хизматлари сифатини янада ошириб бормоқда. Бунинг натижасида мижозларга қулайликлар яратилмоқда.

Ҳудудларда татбиқ қилинаётган лойиҳаларни таништириш мақсадида АТБ «Қишлоқ қурилиш банк» томонидан оммавий ахборот воситалари вакиллари учун Қашқадарё вилоятига пресс-тур ташкил қилинди.

Пресс-тур иштирокчилари банкнинг Қашқадарё минтақавий филиали очилиш маросимида қатнашди. Филиалнинг янги биноси «Қишлоқ қурилиш банк» мижозлари учун ўзига хос совға бўлди, дейиш мумкин. Очилиш маросимида сўзга чиққан банк бошқаруви, Қашқадарё вилояти ҳокимлиги раҳбарлари филиалнинг янги биноси республика банк тизимида амалга оширилаётган иқтисодий ислоҳотларнинг яна бир самараси эканлигини таъкидлади.

Янги бинода яратилган қулайликлар ҳисобига эндиликда банк мижозлари бухгалтерия ҳисоб-китоблари, валюта айрибошлаш, пул ўтказмалари, омонат ҳамда турли тўловлар билан боғлиқ зарур хизматлардан шу ернинг ўзида фойдаланиш имкониятига эга бўлишди. Электрон навбат тизимининг мавжудлиги эса банк ходимлари ва мижозлар учун қўшимча қулайлик яратади. Филиалнинг замонавий банк технологиялари билан жиҳозлангани эса сифатли хизмат кўрсатиш имкониятини оширади.

Бугунги кунда Қашқадарё минтақавий филиалида 5000 нафардан ортиқ омонатчилар, 5200 дан ортиқ юридик шахсларга хизмат кўрсатилмоқда. Филиал орқали 72000 дан ортиқ фуқаролар банк карталаридан фойдаланиб келмоқда. Шунингдек, вилоятда «Қишлоқ қурилиш банк»нинг Кўкдала ва Яккабоғ филиаллари ҳам мижозларга хизматлар кўрсатмоқда.

Пресс-тур доираисда оммавий ахборот воситалари вакиллари банк филиалларидаги шароитлар, кўрсатилаётган хизматлар билан танишдилар ва мижозлар билан суҳбатлашдилар.

Журналистлар банк томонидан қўллаб-қувватланаётган бир қатор инвестицион лойиҳалар, Яккабоғ туманини ижтимоий-иқтисодий ривожлантириш борасида маҳаллий ҳокимлик идоралари ва банк ҳамкорлигида татбиқ қилинаётган лойиҳалар билан ҳам бевосита танишди.

Хусусан, Яккабоғ туманидаги «Чиройли мебель» МЧЖ, «Delta FBS» МЧЖ корхоналарида ва туманда банк томонидан ташкил қилинган Тадбиркорларни ўқитиш марказида қизғин мулоқотлар бўлди.

Банк ахборот хизмати

Реклама ҳуқуқи асосида.