Навоий вилоятида 3 та Зарафшон қирғовули ва 2 та ёввойи қуённи овлаган браконьерлар қўлга олинди, дея хабар қилмоқда Давлат экология қўмитаси.
Маълум қилинишича, Навоий вилоятидаги назорат рейд тадбири давомида Бухоро вилояти Вобкент тумани «Узбаком» МФЙда яшовчи фуқаро А.А. томонидан Қизилтепа тумани Ўртачўл мавзеси ҳудудида ов йўлланмаси асосида ноқонуний равишда «Қизил китоб»га киритилган 3 дона Зарафшон қирғовулини овлаганлиги аниқланди.
Бундан ташқари, 2 дона ёввойи қуён ҳам овлангани маълум бўлди.
Ушбу ҳолат юзасидан фуқарога нисбатан Маъмурий жавобгарлик тўғрисидаги кодекснинг 94-моддаси 1-қисми билан маъмурий баённома расмийлаштирилиб, тегишли ҳужжатлар Маъмурий суд органларига юборилди ҳамда 6 690 000 сўм миқдоридаги табиатга етказилган зарар белгиланди.
Мавзуга доир:
Изоҳ (0)