Bugun,

  • USD 10920.28
  • RUB 177.49
  • EUR 11052.42

Buxoro viloyatida noqonuniy ovlangan 79 dona baliq “Buxoro go‘sht sut savdo” MChJga topshirildi. Bu haqda “Daryo”ga viloyat Ekologiya va atrof-muhitni muhofaza qilish boshqarmasi axborot xizmati xabar berdi.

Foto: Buxoro viloyat Ekologiya va atrof-muhitni muhofaza qilish boshqarmasi

Ta’kidlanishicha, Buxoro viloyati Ekologiya va atrof-muhitni muhofaza qilish boshqarmasi Ekologik nazorat inspeksiyasi xodimlari tomonidan Peshku tumanidagi Qoraqir tabiiy suv havzasida tezkor reyd o‘tkazilgan. Reyd davomida mazkur havzaning ikkinchi konturida shu tumanda yashovchi fuqaro T.B. noqonuniy baliq ovlayotgani ma’lum bo‘lgan hamda inspeksiya xodimlari tomonidan to‘xtatilgan.

Foto: Buxoro viloyat Ekologiya va atrof-muhitni muhofaza qilish boshqarmasi

“Fuqaro T.B.dan 54 dona laqqa, 23 dona zog‘ora va 2 dona O‘zbekiston Qizil kitobiga kiritilgan Turkiston mo‘ylovdori, jami 79 dona baliq ashyoviy dalil sifatida musodara qilib olindi hamda “Buxoro go‘sht sut savdo” MChJning muzlatkichiga topshirildi, — deydi viloyati Ekologiya va atrof-muhitni muhofaza qilish boshqarmasi axborot xizmati rahbari Jahongir Navro‘zov. — Shuningdek, fuqarodan 1 dona rezina qayiq, 2 dona akkumulyator batareyasi, 1 dona qo‘lbola kuchli yorituvchi chiroq ham tegishli tartibda rasmiylashtirib, olib qo‘yildi”.

Aniqlik kiritilishicha, fuqaro ushbu harakati bilan tabiatga 32 million 335 ming so‘m zarar yetkazgan. Ish yuzasidan yig‘ilgan hujjatlar Buxoro viloyat prokuraturasiga yuborilgan.

Izoh
Asosiy yangiliklar
Mahalliy
O‘zbekistonda aholining qaysi qatlamiga ko‘proq kredit ajratilayotgani ma’lum bo‘ldi
Mahalliy
Shavkat Mirziyoyev Masjidun Nabaviyda ikki rakat namoz o‘qidi (video)
Madaniyat
“Sharoitni ko‘rib yig‘laysiz”. Vazirlar borolmaydigan ijodkorlarning ijara yotoqxonasiga sayohat (foto va video)