Буюк Британиянинг Данди университети Анатомия ва одамни идентификациялаш маркази олимлари жаҳон фани тараққиётига улкан ҳисса қўшган Ўрта осиёлик буюк қомусий олим Абу Али ибн Синонинг ташқи кўринишини тиклади.
Маълум қилинишича, Ибн Сино қиёфаси Ҳамадондаги қабри кўчирилиши пайтида олинган фотосуратлардан реконструкция қилинган. Унинг 50 ёшдан ошган кўриниши, тахминан, юқоридаги суратдагидек бўлган.
Бу Ибн Синонинг юзини тиклашга қаратилган биринчи илмий уриниш экани тахмин қилинмоқда.
Бир неча асрлар ва ҳатто минг йиллар олдин яшаган тарихий шахсларни фақат дарсликлардан, уларнинг ҳайкаллари ёки таърифларидан биламиз. Шу сабабли уларни ўша вақтда қандай бўлганлигини тасаввур қилиш қийин.
Замонавий технологиялар ва одамларнинг маҳорати туфайли ўтмишдаги кўплаб таниқли инсонлар ташқи кўринишини тиклашга эришилмоқда. Хусусан, бу билан Алессандро Томаси ҳам шуғулланиб, қадимги императорлар, файласуфлар ва бошқа тарихий шахслар қандай бўлганлигини кўрсатишга ҳаракат қилади.
Изоҳ (0)