Андижон вилояти Избоскан туманида 12 декабрь куни 23 ёшли ҳайдовчи қуюқ туман сабабли йўл четида ҳаракатланиб кетаётган пиёдаларни кўрмай қолган ва улардан бирини уриб кетган. Бу ҳақда Ички ишлар вазирлиги Йўл ҳаракати хавфсизлиги бош бошқармаси хабар берди.
Маълум қилинишича, 12 декабрь куни соат, тахминан, 18:30 да Избоскан тумани «Бештерак» МФЙ ҳудудидан ўтган 4Р-432 автомобиль йўлининг 5-километрида Lacetti автомобилида ҳаракатланиб келаётган 1997 йилда туғилган ҳайдовчи йўлнинг четидан кетаётган пиёдаларнинг нотўғри ҳаракати натижасида улардан бирини уриб юборган.
Жабрланувчи туман тез тиббий ёрдам бўлимига олиб борилган, бироқ кўрсатилган тиббий ёрдамга қарамай касалхонада вафот этган.
Айни пайтда мазкур ЙТҲ билан боғлиқ ҳолатлар Андижон вилояти ИИБ ЙҲХБ ва мутасадди ташкилотлар томонидан ўрганилмоқда.
Мавзуга доир:
- Қамчиқ довонида 14 соат ичида 13 та машина иштирокида 3 та ЙТҲ содир бўлди
- Сурхондарёдаги таъмирланаётган йўлда Cobalt ағдарилиб кетди. Ҳайдовчи воқеа жойида вафот этди
- Олмалиқда Lacetti 9 ёшли қизни уриб кетди. Жабрланувчи шифохонага ётқизилган
- Иштиҳонда йўлни белгиланмаган жойдан кесиб ўтаётган пиёдани уриб юборган Nexia унинг ўлимига сабаб бўлди
Изоҳ (0)