Давлат солиқ қўмитаси юридик шахсларни йирик солиқ тўловчилар тоифасига киритишнинг мезонларини белгилаш тўғрисидаги низомга қўшимчалар киритиш бўйича лойиҳа ишлаб чиқди, дея хабар қилмоқда Norma.
Маълум қилинишича, йирик солиқ тўловчилар рўйхатини (низомнинг 4-банди) қуйидагилар билан тўлдириш таклиф этилмоқда:
- цемент ва маиший электр асбоблари ишлаб чиқариш фаолияти билан шуғулланувчи корхоналар;
- маҳсулот (товар, иш ва хизмат)ларни сотишдан олинган соф тушуми ўтган календарь йил якуни бўйича 50 миллиард сўмдан юқори бўлган ёки кетма-кет келадиган 12 ойлик давр якуни бўйича ушбу миқдордан ошган тўқимачилик кластер корхоналари.
- акциз солиғига тортиладиган товарларни ишлаб чиқарувчи ва акциз тўланадиган хизмат кўрсатувчи корхоналар;
- тижорат банклари, товар хом ашё, фонд ва валюта биржалари;
- «Навоий КМК», «Олмалиқ КМК» ҳамда уларнинг таркибига кирувчи ташкилотлар;
- маҳсулот тақсимотига оид битим бўйича ишларни бажаришда иштирок этаётган ташкилотлар;
- маҳсулот (товар, иш ва хизмат)ларни сотишдан олинган соф тушуми ўтган календарь йил якуни бўйича 100 миллиард сўмдан юқори бўлган ёки кетма-кет келадиган 12 ойлик давр якуни бўйича ушбу миқдордан ошган юридик шахслар;
- углеводород хом ашёси ва минерал ресурсларни қазиб олувчи, қайта ишловчи, етказиб берувчи ва сотувчи ҳамда электр энергиясини ишлаб чиқарувчи ва етказиб берувчи юридик шахслар, бундан автомобилларга ёнилғи қуйиш шохобчалари мустасно;
- Ўзбекистон ҳаво бўшлиғидан йўловчиларни ташиш мақсадларида фойдаланувчи, халқаро ҳаво алоқаларини амалга оширувчи ва уларнинг таркибига кирувчи юридик шахслар.
Аввалроқ Ўзбекистонда тадбиркорлик субъектларини давлат рўйхатидан ўтказиш тартиби тўғрисидаги низомга ўзгартириш ва қўшимчалар киритилгани ва 2021 йил 1 мартдан онлайн кассалардан фойдаланиш тартибига ўзгартириш киритилиши ҳақида хабар берилган эди.
Изоҳ (0)