Футбол бўйича Coca-Cola Ўзбекистон Kuboгининг чорак финалидан ўрин олган сўнгги иккита учрашув 12 декабрь, шанба куни бўлиб ўтди.
«Навбаҳор» ўз майдонида «Насаф»ни меҳмон қилди. Учрашувнинг 16-дақиқасида Марко Станоевич ҳисобни очди. Иккинчи бўлимда мезбонлар катта устунликка эга бўлди. Қатор ҳужумлар ҳакам томонидан қўшиб берилган вақтга келиб самара келтирди: Шоҳруҳ Маҳмудҳожиев ўзининг аниқ зарбаси билан жамоасини қўшимча бўлимлар сари олиб чиқди.
Қўшимча бўлимларнинг иккинчисида Ҳусайн Норчаев қаршиликларнинг иккинчи голини урган ҳолда, «Насаф»нинг ғалабасини таъминлади.
Яна бир ўйин ОКМК ва «Металлург» ўртасида кечди. Тошкент вилояти дербисининг асосий вақти 3:3 ҳисобидаги дуранг билан якунланди. Меҳмонлар сафида Аброрбек Тошқўзиев дубль қайд этган бўлса, яна бир голга Дониёр Нарзуллаев муаллиф бўлди. Олмалиқликларнинг жавоб тўплари Мате Вацадзе, Сардор Раҳмонов ва Дилшод Жўраев томонидан киритилди.
Шу тариқа учрашув қўшимча бўлимларгача чўзилди. 114-дақиқада Зафар Полвонов дарвозани ишғол қилиб, ОКМКни ярим финалга олиб чиқди.
Аввалроқ «Пахтакор» ва «Қўқон-1912» мусобақанинг ярим финалига йўл олганди.
Coca-Cola Ўзбекистон Kuboги
Чорак финал баҳслари
12 декабрь, шанба
«Навбаҳор» — «Насаф» 1:2
Голлар: 0:1 – 16 Станоевич, 1:1 – 90+6 Маҳмудҳожиев, 1:2 – 107 Норчаев.«Навбаҳор»: Ўткир Юсупов, Эҳсони Паншанбе, Азимжон Аҳмедов, Иван Соловёв, Азизбек Турғунбоев (Аббосжон Ғуломов 89), Сардар Теляков (Ғиёсжон Комилов 89), Мирзоҳид Ғофуров, Даврон Ҳошимов (Шоҳруҳ Маҳмудхожиев 82), Игор Голбан, Ислом Рашидхонов, Забиҳилло Ўринбоев.
«Насаф»: Абдувоҳид Неъматов, Ҳусниддин Алиқулов, Ғолиб Ғайбуллаев, Бобур Абдухолиқов (Ҳусайн Норчаев 80), Шароф Муҳитдинов, Жўрабек Маннонов, Ислом Кенжабоев (Шохмалик Комилов 90+2), Акмал Мозговой, Ойбек Бозоров (Файсал Траоре 117), Марко Станоевич (Дилшод Раҳматуллаев 80), Умарбек Эшмуродов.
Огоҳлантиришлар: Эшмуродов (59), Алиқулов (65), Неъматов (93), Маҳмудҳожиев (116).
ОКМК — «Металлург» 4:3
Голлар: 0:1 – 7 Тошқўзиев, 1:1 – 11 Вацадзе, 1:2 – 18 Тошқўзиев, 2:2 – 23 Раҳмонов, 3:2 – 42 Жўраев, 3:3 – 65 Нарзуллаев, 4:3 – 114 Полвонов.ОКМК: Валижон Раҳимов, Акмал Шораҳмедов (Мирғиёс Сулаймонов), Дилшод Жўраев, Сардор Раҳмонов, Мурод Тошматов (Сайдулло Раҳматов), Ёван Жокич, Жасур Умаров, Баҳром Абдураҳимов (Шаҳзод Нурматов), Ҳусниддин Ғофуров, Мате Вацадзе, Элгужа Григалашвили.
«Металлург»: Александр Лобанов, Одил Абдумажидов, Аббос Отахонов, Дониёр Нарзуллаев, Саламат Қутибаев, Маҳмуд Қудратиллаев (Зохид Абдуллаев), Шаҳзод Убайдуллаев, Аброр Тошқўзиев, Ихтиёр Тошпўлатов, Станислав Андреев, Евгений Чумак.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)