Бутун дунёда коронавирусга чалинганлар сони 70 миллион кишидан ошди. Бу ҳақда вирус тарқалишини реал вақт режимида кузатиб келаётган Жонс Ҳопкинс университети маълумотларида келтирилган.
Ҳозирга қадар дунёда COVID-19 оқибатида 1,59 миллиондан ортиқ одам вафот этган, 45,2 миллион киши соғайган.
Касалликка чалинганлар сони бўйича АҚШ биринчи ўринда кетмоқда — 15,8 миллион. Иккинчи ўринни 9,7 миллион кўрсаткич билан Ҳиндистон эгаллаган бўлса, Бразилия учинчи ўринда — 6,78 миллион. Россияда эса пандемия бошланганидан буён 2,54 миллион кишида коронавирус тасдиқланган.
Вирус қурбонлари сони бўйича ҳам етакчилик АҚШга насиб этган (295 мингдан ортиқ), иккинчи ўринда Бразилия (179 минг), Ҳиндистон — учинчи ўрин (142 минг).
Аввалроқ АҚШда бир кеча-кундузда коронавирусдан вафот этганлар сони бўйича антирекорд ўрнатилгани тўғрисида хабар берилганди. The New York Times’нинг 10 декабрь кунги маълумотларига кўра, сўнгги 24 соат ичида мамлакатда 3011 киши коронавирус оқибатида вафот этган
Маълумот учун, дунёда коронавирусга чалинганлар сони 29 ноябрь куни 62 миллион, 4 декабрь куни 65 миллион, 5 декабрь куни 66 миллион, 7 декабрь куни 67 миллион, 9 декабрь куни 68 миллион кишидан ошганди.
Изоҳ (0)