Тони Фергюсон Чарльз Оливейрага қарши жанг қилишдан бош тортиши мумкинлигини айтди

Америкалик яккакурашчи Тони Фергюсон UFC 256 мусобақасида бўлиб ўтадиган Чарльз Оливейрага қарши жангдан воз кечиши мумкинлиги ҳақида огоҳлантирди.

«Гаров ўйнайман, бразилияликлар, шу жумладан, Чарльз Оливейра ҳам одатдагидек ортиқча вазн билан келади. Ишончим комил, Оливейра ҳафта мобайнида вазн ташлаш учун ҳаракат қилмайди ва 3-4 фунт (1,4-1,8 кг) ортиқча вазн намойиш қилади. Буни у жанг ҳақида кеч хабар топгани билан изоҳлайди.

Агар у ортиқча вазн кўрсаца, биз жанг қилмаймиз. Шу сабаб, йигитлар, агар жанг бўлиши хоҳласангиз Оливейранинг саҳифасига ўтинг ва уни вазн ташлашга чорланг», — дея ёзади Тони ўз Instagram’ида.

Эслатиб ўтамиз, Фергюсон ва Оливейра ўртасидаги жанг Тошкент вақти билан 13 декабрь тонгида бўлиб ўтади.

Мавзуга доир:

• Ҳабиб Нурмагомедов Тони Фергюсон ҳақида: «Ҳиндуларнинг муаммоси шерифни хавотирга солмайди»
• Тони Фергюсон: «Ҳабиб уч марта мен билан жанг қилишдан бош тортди»