Европа иттифоқи кенгаши аъзо мамлакатларга 2022 йил охиригача Евроиттифоқ ҳудудида коронавирусга қарши вакциналар, COVID-19’га тестлар ва шу билан боғлиқ хизматларни қўшилган қиймат солиғи (ҚҚС)дан озод этиш учун рухсат берди, деб ёзади «Gazeta.uz» Евроиттифоқ кенгаши баёнотига таяниб.
Бундай қарор тест тўпламлари ва вакциналарнинг нарх жиҳатдан ҳамёнбоплигини таъминлаш мақсадида қабул қилинган. Евроиттифоқ мамлакатлари ўз қарорларидан келиб чиқиб, ушбу маҳсулотлар учун пасайтирилган ҚҚСни қўллаши ҳам мумкин, дейилади баёнотда.
Қабул қилинган чора-тадбирлар фақат Европа комиссияси ёки аъзо давлатлар томонидан маъқулланган COVID-19’га қарши вакциналарга ҳамда Евроиттифоқ қонунчилигига мувофиқ келувчи тест тўпламларига тегишлидир.
Евроиттифоқ олтита Ғарб компаниялари билан жами 2 миллиард вакцина дозаси учун олдиндан буюртма ҳақида шартномалар тузган, булар AstraZeneca, Sanofi-GSK, Johnson & Johnson, CureVаc, Moderna ва BioNTech — Pfizer концернидир.
Аввалроқ Pfizer ва BioNTech компаниялари ўзининг коронавирусга қарши вакцинасини Европа иттифоқида рўйхатдан ўтказиш учун ариза берган эди, дори маъқулланган тақдирда, Европада йил охиригача фойдаланилиши мумкин бўлади.
Изоҳ (0)