Forbes журнали дунёдаги энг нуфузли 100 нафар аёл рейтингини эълон қилди. Ҳисоб бўйича бу журнал томонидан ҳар йили эълон қилинадиган 17-рейтинг бўлди. Бу ҳақда Meduza хабар берди.
Рейтингда биринчи ўринни қаторасига ўнинчи йил Германия канцлери Ангела Меркель эгаллади. Иккинчи қатордан 2019 йилдаги каби Европа Марказий банки раҳбари Кристин Лагард жой олди.
Forbes учинчи ўринни АҚШнинг бўлажак вице-президенти Камала Ҳаррисга берди. У мазкур рейтингга биринчи марта киритилди.
Рейтингда Россиянинг ягона вакили қаторасига учинчи йил Марказий банк раҳбари Элвира Набиуллина бўлмоқда. У рейтингда 57-ўринни эгаллади, 2019 йилдаги рейтингда Набиуллина 53-ўринда, 2018 йилда эса 49-ўринда бўлган.
Янги рейтингга 17 нафар янги иштирокчи киритилган. «Бу аёллар коронавирус пандемияси шароитида жамият ҳаётининг барча соҳасида раҳбарлик қилаётганини кўрсатади», — дея таъкидлаган нашр.
Рейтингга янги киритилганлар қаторидан АҚШнинг 40 та штатидаги 7 мингта дорихона тармоғини бошқарадиган CVS Health компанияси вице-президенти Карен Линч ўрин олган. Мазкур аёл 2021 йилда компанияда COVID-19’га қарши вакцина билан боғлиқ масалалар учун масъул бўлади.
Изоҳ (0)