Дўстлик ва муҳаббатнинг ораси бир қадам бўлиши мумкин. Аммо буни англаб етгунга қадар бир неча йиллар ўтиб кетганини сезмайди инсон. Шунингдек, дўстликка асосланган севги самимий ва мустаҳкам бўлиши шубҳасиз.
Мила Кунис ва Эштон Катчер
Эштон Катчер ва Мила Кунис «70 йилларнинг шоуси» сериалининг суратга олиш майдончасида танишган. Ўша вақтда Мила 14, Эштон эса 19 ёшда эди. Шундан сўнг улар орасида дўстлик ришталари пайдо бўлган. Мила ўтган вақт мобайнида «Уйда ёлғиз» фильми қаҳрамони Маколей Калкин билан муносабатда бўлган. Шунингдек, Эштон ҳам Женюри Жонс, Эшли Скотт ва Бриттани Мерфи каби актрисалар билан учрашиб юрган.
2005 йил Эштон актриса Деми Мурга уйланди ва уларнинг никоҳи маълум сабабларга кўра бузилди. Бу вақтга келиб, Мила ва Эштон шунчаки кечки зиёфатларда учрашиб қолар эди. 2012 йилда икки дўстнинг Аёва штатига қилган саёҳатидан сўнг омма орасида пайдо бўлган саволга «дўстлик » деб жавоб берди. Улар ўз муносабатини сир сақлашни афзал кўрган бўлса-да, 2015 йилга келиб турмуш қуришга муваффақ бўлди. Жуфтлик ҳозирда Уаятт исмли қизи ва Димитрий исмли ўғлини тарбия қилмоқда.
Блейк Лайвли ва Райан Рейнолдс
Блейк ва Райан бир неча йиллик дўстликдан кейингина орадаги муҳаббатини англади. Жуфтлик биринчи марта 2011 йилда «Яшил чироқ» фильмининг суратга олиш майдончасида танишган. Ўша вақтда Блейк Скарлетт Ёхансонн билан оила қурган, Лайвли эса Пен Бадгли билан учрашар эди. Суратга олиш якунланганидан сўнг улар иккинчи ярми билан ажралди. Эндиликда жуфтликка қадам қўяётган дўстларнинг учрашув режалари барбод бўла бошлаганди. Аммо улар аллақачон келажакдаги қарорини белгилаб бўлганди. Жуфтлик 2012 йил никоҳ тўйини нишонлади ва уч нафар фарзандини тарбиялаб келмоқда.
Рейчел Вайс ва Дениел Крейг
Рейчел ва Дениел танишганидан сўнг 6 йил дўстона муносабатда бўлган. 2010 йил «Орзудаги уй» фильмида жуфтлик ролини ижро этганидан сўнг улар дўстлардан ҳам яқинроқ эканлигини англаб етди. 2011 йилда эса турмуш қуришга қарор қилди. Уларнинг яширин тарзда ўтган никоҳ маросимида атиги 4 киши иштирок этган. Жуфтлик бу борада шахсий ҳаёти фақат ўзлари учун муҳимлигини ва бошқаларга тегишли эмаслигини таъкидлаб ўтган.
Рита Докота ва Влад Соколовский
2007 йил «Юлдузлар фабрикаси» лойиҳасида учрашган Рита ва Влад бир неча йиллар давомида бир-бирини қўллаб-қувватлади. Орадан 8 йил ўтиб зиёфатда қайта кўришиб қолган дўстлар энди аввалгидек эмасди, уларни ҳаётга қараши ўзгарган ҳамда анчагина улғайган эди. Орадан бир йил ўтиб, Влад Ританинг қўлини Бали оролларида сўради. Шундан сўнг уларнинг никоҳ маросими Бали анъаналарига мувофиқ тарзда нишонланди. Ҳозирда жуфтлик ажрашиб кетган бўлсада, қизи Мия учун яхши ота-она бўлишга ҳаракат қилмоқда.
Юлия Ковалчук ва Алексей Чумаков
Жуфтлик турмуш қурмасидан беш йил аввал танишган ва дўстона муносабатда бўлган. Аммо улар орасида севги ҳикоялари бошланганига қарамай турмуш қуришга шошилмаган. Шунингдек, Юлия ҳам ҳеч қачон тўй ҳақида савол бермаган. Орадан 6 йил ўтиб, жуфтлик яқинларида даврасида ўз никоҳ тўйини Испанияда ўтказишга қарор қилган. Улар ҳозирда ҳам бахтли оила бўлиб, қизалоғи Амелияни тарбияламоқда.
Изоҳ (0)