«Қора ният»ни тарк этаётган Шаҳика, Ханде Эрчел ва Керем Бурсиннинг «сирли» муносабати. Турк киноси янгиликлари (фото)

Турли-туман роллари билан мухлислар қалбидан жой олган турк киносаноати  ижодкорларининг  карьера ва ҳаёти билан боғлиқ сўнгги маълумотларни эътиборингизга ҳавола этишда давом этамиз.

Бебек туманида мухбирлар эътиборидан четда қолмаган Толгахон Сайишман бўлажак фарзанди ҳақидаги саволларга жавоб беради. Унинг айтишича, агар ўғил бўладиган бўлса, охири хон билан тугайдиган исм қўяди, қиз дунёга келадиган бўлса, исмни рафиқаси Алмеда танлайди.

«Ичкарида» сериалидаги роли билан ўзбек мухлисларига яхши таниш бўлган Чагатай Улусой, BluTv интернет-платформаси томонидан тақдим қилинаётган «Ешилчам» сераилида бош қаҳрамон ролини ўйнайди. Сериал сюжети 60 йилларни ўзида мужассам этади.

«9 карра Лейла» фильмининг премьераси ижтимоий тармоқларда турли муҳокамаларга сабаб бўлди. Айрим томошабинлар Netflix’нинг топидан ўрин олган мазкур фильмни ҳатто охиригача кўра олмагани ҳақида фикр билдирмоқда. Шунингдек, машҳур ижодкорлар жалб қилинган лойиҳанинг қандай қилиб бундай муваффақиятсиз экани мухлисларни ажабланишига сабаб бўлмоқда.

Туркиянинг энг келишган актёрларидан бири бўлган Жан Яманнинг мухлислари энди нафақат севимли актёри ижросидаги сериалларни томоша қилиши, балки у қаҳрамонлардан бирига айланган компьютер ўйинларини ўйнаши ҳам мумкин. Жан Яман юзи бўлган Паша Фенcер номли ўйин 2020 йилнинг 15 декабрида Туркия ва Яқин шарқда сотувга чиқарилиши режалаштирилган. Бу ҳали ҳаммаси эмас журналист Ойя Доганнинг маълум қилишича, яқин орада Жан драматик лойиҳалардан бирида иштирок этади.

«Қора ният» сериалининг бош қаҳрамонлари лойиҳани тарк этишда давом этмоқда. Маълум қилинишича, сериалнинг 90 қисми Шаҳика қаҳрамонини гавдалантирган актриса Несрин Жавадзаде учун лойиҳадаги сўнгги иштирок бўлади.

Акиф Яман, «Эшигимни қоқ» сериалида суратга тушаётган жуфтлик Керем Бурсин ва Ханде Эрчел ҳақида қизиқ маълумот берди. Унинг таъкидлашича, сериал тақдири шанба кундаги рейтингга боғлиқ бўлади. Шунингдек, сериал тугаганидан кейин ҳар икки ижодкор сирли муносабатда экани ҳақида маълум қилиши мумкин. Сериалнинг янги қисмида эса Илайда Челик ижросидаги янги қаҳрамон келиб қўшилади.

Коронавирус билан боғлиқ вазият сабаб тўхтатилган «Садоқатсиз» сериали эфирга узатишда давом этилади. Ундаги Ася Арслон ҳикояси икки йилдан кейин ўтиб давом этишини кўриш мумкин.

«Янги ҳаёт» сериалининг эрта тугатилганидан кейин унда бош қаҳрамон ролини ўйнаган актёр Серкан Чайўғлу бошқа бир янги лойиҳада иштирок этишни бошлаб юборди. ТМСFilm компанияси томонидан ТРК1 давлат телеканали учун суратга олинаётган «Кибрис» номли сериал давомийлиги 60 дақиқани ташкил этади ва 26-қисмдан иборат бўлади.