Маликаларнинг нафақат ҳаёти, турмуш тарзи, балки молиявий аҳволи ҳам мухлислар учун қизиқ бўлган.
Малика Беатрис
Беатрис дунёга келганидан кейин шаҳзода Эндрю ва герцогиня Сара қизининг номига алоҳида ҳисоб рақам очиб қўйган. Малика Британия қироллик оиласининг катта вакил эмас, қироллик мажбуриятларини қисман амалга оширади ва шу сабаб ҳам ўзининг карьераси билан шуғуллана олади. Айни вақтда мустақил бизнес-маслаҳатчи сифатида фаолият юритадиган малика, шунингдек, Аfiniti компаниясининг вице-президенти ҳисобланади. Маълумотларга қараганда, унинг молиявий аҳволи тахминан 6,7 миллион долларга баҳоланади, бошқа манбаларда эса 10 миллион доллар деб келтирилган маълумотлар ҳам йўқ эмас.
Малика Евгения
Евгениянинг шахсий капитали ҳам деярли Беатрис билан бир хил. Евгения ҳам мустақил пул топади ва карьераси ижод билан боғлиқ. У бадиий галереясининг раҳбар ўринбосари сифатида фаолият юритади. Бундан ташқари, миш-мишларга қараганда унинг бувиси Елизавета II томонидан очиб берилган фонди ҳам бор.
Малика Виктория
Швеция қироли Карл Густав XVI катта қизи Виктория бўлажак тахт вориси ҳисобланади. Унинг молиявий аҳволи 13,4 миллион долларга баҳоланади.
Малика Мадлен
Викториянинг кичик синглисининг молиявий аҳволи 14 миллион долларга баҳоланади. Унинг турмуш ўртоғи Крис O’Нил Wilton Payments Limited компаниясининг бошқарувчи раҳбари ҳисобланади. Умумий капитали қўшилса, улар Швециянинг энг бой оилаларидан бири ҳисобланади.
Кембриж герцогиняси Кейт Миддлтон
Золушканинг ҳаётдаги прототипи, оддий оиладан чиқиб шаҳзода қалбини забт этган Кейт Миддлтоннинг молиявий аҳволи турли манбаларда айтилишича, 10-14 миллион долларга баҳоланади.
Герцогиня София
Швед оиласининг яна бир вакили София собиқ модель ва шаҳзода Карл Филиппнинг рафиқаси ҳисобланади. Унинг молиявий аҳволи ҳам 14 миллион доллар атрофида.
Малика Анна
Қиролича Елизаветанинг якка-ю ягона қизи Британия қироллик оиласининг энг меҳнаткаш аъзоларидан. Мактабни битиргач, у йилига 200-300 тадбирга ташриф буюрган. Унинг молиявий аҳволи 40 миллион доллардан ортиқ.
Малика Каролина
Монаконинг собиқ князи Рене II ва Голливуд юлдузи Грэйс Келлининг катта қизи оммага кўп кўриниш бермайди. 63 ёшли малика уч марта турмуш қурган ва тўрт нафар фарзанди бор. Каролинанинг молиявий аҳволи эса 134 миллион доллар атрофида.
Малика Стефания
Каролинанинг синглиси аввалига моделлик ва хонандалик билан шуғулланган. Унинг ҳам молиявий аҳволи опаси билан тенг — 134 миллион доллар.
Малика Шарлотта
Шарлотта эндигина 5 ёш бўлишига қарамай, дунёдаги энг бадавлат малика шаҳзода Уильям ва Кейтнинг қизи бўлгани учун улар бойлигининг меросхўри ҳисобланади. Отаси тахтга ўтирса молиявий аҳволи янада ортиши ажаб эмас. Унинг бўлажак капитали бир неча юз миллион, ҳатто миллиардга ҳам баҳоланади.
Изоҳ (0)