Шоу-бизнес вакилларининг ҳаммаси ҳам машҳур бўлиш учун шахсий ҳаёт ва оилавий муносабатлардан кечавермайди. Уларнинг орасида юлдуз бўлишни четга суриб, ўзини оиласи ва фарзандларига бағишлаганлар ҳам йўқ эмас.
Меган Маркл
Шаҳзода Гарри бўлажак рафиқасини илк бор «Форс-мажор» сериалини томоша қилганида кўрган. Актрисалик фаолияти билан шуғулланган Меган шаҳзода билан муносабатда бўлиш учун карьерасига нуқта қўйган. Аммо айни вақтда шоу-бизнесга қайтиш нияти йўқ эмас. У Disney билан ҳамкорликда янги лойиҳада иштирок этган ва таомлар тайёрлаш ҳақидаги китоб чиқаришни режалаштирган.
Грейс Келли
Замонасининг энг машҳур актрисаларидан бўлган Грейс турмуш ўртоғи, Монако князи Рене III сабаб кинони тарк этган. Княгиня бўлиш озмунча вақт ва куч талаб қилмагани сабаб у турмуш қурганидан кейин режиссёрлардан келган таклифларни рад эта бошлаган. Грейс уч фарзандни дунёга келтирган.
Жизель Бюдхен
Оиласи билан кўпроқ вақт ўтказишни истагани сабаб дунёнинг энг кўп ҳақ тўланадиган моделларидан бири бўлган Жизель карьерасидан воз кечган. У ўзини турмуш ўртоғи Том Бреди ва икки нафар фарзанди тарбиясига бағишлаган.
Алсу
Алсунинг турмуш ўртоғи Ян Абрамович рафиқасини саҳнани тарк этишга мажбурламаган. Хонанданинг ўзи фарзандли бўлганидан кейин кам кўриниш бера бошлаган. У интервьюларидан бирида бир вақтнинг ўзида яхши она бўлиш ва хизмат сафарларига боришни эплаш қийинлигини маълум қилган. Унинг қўшимча қилишича, у бугунги кунда ижод билан ўзи ва мароқланиши учунгина шуғулланади. У таклиф қилинган телекўрсатувларни фарзандлари тарбияси билан машғул бўлиш учун қолдириши мумкинлигини айтади.
Камерон Диас
2015 йилда мусиқачи Бенжи Мэдден билан турмуш қурган актриса шундан кейин ижод билан шуғулланмай қўйган. Оиласига ўзини бағишлаган актриса ҳали-ҳамон суратга олиш майдончаларига қайтиш нияти йўқ. У нима учун 40 ёшгача турмушга чиқмагани сабабини эрини аввалроқ учратмагани ва йигит билан турмуш ўртоқ ўртасида фарқ катта эканини таъкидлайди. Камерон 2018 йилда она бўлган ва фарзандига вақт ажратиш муҳим деб билади. У ҳаётининг маъносини кинода эмас, қизида кўради.
Жессика Альба
Энг чиройли ва маҳоратли актрисалардан бири ҳисобланган Жессика Альба турмуш ўртоғи ва оиласи сабаб аввалгидек фаол бўлмай қолган. У ҳалигача кинода суратга тушиши мумкин, лекин катта лойиҳаларда иштирок этишдан бош тортади.
Ева Мендес
Голливуднинг энг етакчи актрисаларидан бири ҳисобланган Ева ҳам тўсатдан карьерасига нуқта қўйган. Уни ҳатто «Оскар» тақдирлаш маросимида ҳам учратиб бўлмайди. Бунга сабаб эса Ева ўзини оиласига бағишлаган. У ижодий маросим ўрнига қизлари билан ўйнашни афзал кўради.
Женнифер Гарнер
Женнифер Бен Аффлекка турмушга чиққанидан кейин ижоддан чекинган. У турмуш ўртоғи суратга тушаётган бир вақтда оиласи ва уйи билан машғул бўлишни афзал билган. Уч фарзанд дунёга келганидан кейин у Аффлек билан ажрашган. Бунга актёрнинг хиёнати сабаб бўлган.
Изоҳ (0)