Видео: Америкалик эркак арқонга ўралиб қолган дельфинни қутқарди

Американинг Флорида штатида истиқомат қиладиган Николас Тудури дельфинни қутқариш жараёни акс этган видео билан бўлишди. Бу ҳақда «Korrespondent.net» хабар берди.

Маълум бўлишича, Николас квадроцикл учаётган вақтда кема арқонига илакишиб қолган дельфинга кўзи тушган. У дўстларини ёрдамга чақирган ва улар биргаликда дельфинни кема устига кўтариб олганидан кейин арқонни кесиб ташлаган. Қутқариш операцияси учун 10 дақиқа вақт кетган.

https://youtu.be/FsN6LWrQVwo

«У биз ёрдам бермоқчилигимизни тушунди, қаршилик қилмади», — деган Николас. У дельфинни қутқарганидан кейин квадроцикл учишда давом этган. Шундан кейин унга яқин ерда 7-8 дельфин сузиб келиб, шу йўсинда  миннатдорлик билдирмоқчи бўлган, дейилади хабарда.