Табиат ва жониворларнинг санъат асари даражасидаги суратлари

«Олтин тошбақа» 2020 халқаро ижодий танлови ғолиблари ҳакамлар ҳайъати томонидан эълон қилинди. Унга кўра сараланган суратлар турли номинациялар доирасида мукофотга лойиқ деб топилган.

Кичкина ўрмон сичқонининг сакраши австриялик фотосуратчи Юлиан Рад «Ҳайвонлар ҳаракати» номинациясида ғалаба қозонган.

Италиялик сураткаш Франческо Визинтин «Олтин тошбақа» танловининг совриндорига айланди. Унинг ғолибликка лойиқ кўрилган суратида сувости дунёси жонзотлари акс этган.

Геннадий Юсиннинг «Туғилган кунинг билан!» деб номланган суратида эндигина туғилган буғу боласи тасвирини кўриш мумкин. У жуда ожизлигидан бир неча кун ётиб куч тўплаши керак.

«Табиат болалар нигоҳида» номинацияси бўйича Испаниядан Андрес Луис Домингес Бланко «Ўрмонда» сурати билан зафар қучди.

Аргентиналик Адриана Клаудия Санснинг дарахт бақаси акс этган сурати «Ҳайвон портрети» номинациясида ҳакамлар ҳайъати томонидан ғолиб деб топилди.

«Табиат санъати ва қиёфаси» номинациясида норвегиялик сураткаш Галис Оаро «Бўлажак мурена» сурати учун ғалаба қозонди.

«Эҳтиёт бўлиш зарар қилмайди» сурати муаллифи ҳиндистонлик Анееш Санкаранкутти «Инсон ва табиат» номинацияси бўйича ғалабани қўлга киритди.

«Табиат ёшлар нигоҳида» номинациясида ғолиблик венгриялик Тамас Конч-Бистричнинг «Қордаги қушча» суратига насиб этди.

Ҳакамлар ҳайъати «Пейсаж» номинациясида ғолибликни россиялик Вячеслав Лузановга «Шомон» сурати учун топширди. Суратга тасвирланган шомон дарахти ўрмонда адашиб қолган саёҳатчини кутиб олади, у ҳаттоки хариталарда ҳам йўқ. Қайси йўлдан бориш эса инсоннинг ўзига боғлиқ.

Польшалик Марчин Добас ҳам «Кеа» номли ижодий иши билан танлов ғолибига айланди. Сурат қаҳрамони тоғли ҳудудларда яшовчи тўтиқушлар оиласининг ягона вакили ҳисобланади.

Венгриялик Норберт Касаш «Олтин ёмғир» деб номланган сурати билан «Митти олам» номинациясида ғолиб бўлди.

Норвегиялик Тере Колаас «Ёввойи табиатни суратга олишда янги технологиялар» номинация ғолибига айланди. Суратда насл қолдириш учун ҳар йили баҳорда Шпицбергенга йиғилган ғозлар ажойиб кўринишни акс этган.

«Ўсимликлар сеҳри» номинацияси бўйича «Тумандаги крокуслар» энг яхши сурат деб топилди. Тибор Литаусканинг суратида гуллар беқарор тўлқинлар қуршовида қолганга ўхшайди.