Tabiat va jonivorlarning san’at asari darajasidagi suratlari

“Oltin toshbaqa” 2020 xalqaro ijodiy tanlovi g‘oliblari hakamlar hay’ati tomonidan e’lon qilindi. Unga ko‘ra saralangan suratlar turli nominatsiyalar doirasida mukofotga loyiq deb topilgan.

Kichkina o‘rmon sichqonining sakrashi avstriyalik fotosuratchi Yulian Rad “Hayvonlar harakati” nominatsiyasida g‘alaba qozongan.

Italiyalik suratkash Franchesko Vizintin “Oltin toshbaqa” tanlovining sovrindoriga aylandi. Uning g‘oliblikka loyiq ko‘rilgan suratida suvosti dunyosi jonzotlari aks etgan.

Gennadiy Yusinning “Tug‘ilgan kuning bilan!” deb nomlangan suratida endigina tug‘ilgan bug‘u bolasi tasvirini ko‘rish mumkin. U juda ojizligidan bir necha kun yotib kuch to‘plashi kerak.

“Tabiat bolalar nigohida” nominatsiyasi bo‘yicha Ispaniyadan Andres Luis Dominges Blanko “O‘rmonda” surati bilan zafar quchdi.

Argentinalik Adriana Klaudiya Sansning daraxt baqasi aks etgan surati “Hayvon portreti” nominatsiyasida hakamlar hay’ati tomonidan g‘olib deb topildi.

“Tabiat san’ati va qiyofasi” nominatsiyasida norvegiyalik suratkash Galis Oaro “Bo‘lajak murena” surati uchun g‘alaba qozondi.

“Ehtiyot bo‘lish zarar qilmaydi” surati muallifi hindistonlik Aneesh Sankarankutti “Inson va tabiat” nominatsiyasi bo‘yicha g‘alabani qo‘lga kiritdi.

“Tabiat yoshlar nigohida” nominatsiyasida g‘oliblik vengriyalik Tamas Konch-Bistrichning “Qordagi qushcha” suratiga nasib etdi.

Hakamlar hay’ati “Peysaj” nominatsiyasida g‘oliblikni rossiyalik Vyacheslav Luzanovga “Shomon” surati uchun topshirdi. Suratga tasvirlangan shomon daraxti o‘rmonda adashib qolgan sayohatchini kutib oladi, u hattoki xaritalarda ham yo‘q. Qaysi yo‘ldan borish esa insonning o‘ziga bog‘liq.

Polshalik Marchin Dobas ham “Kea” nomli ijodiy ishi bilan tanlov g‘olibiga aylandi. Surat qahramoni tog‘li hududlarda yashovchi to‘tiqushlar oilasining yagona vakili hisoblanadi.

Vengriyalik Norbert Kasash “Oltin yomg‘ir” deb nomlangan surati bilan “Mitti olam” nominatsiyasida g‘olib bo‘ldi.

Norvegiyalik Tere Kolaas “Yovvoyi tabiatni suratga olishda yangi texnologiyalar” nominatsiya g‘olibiga aylandi. Suratda nasl qoldirish uchun har yili bahorda Shpitsbergenga yig‘ilgan g‘ozlar ajoyib ko‘rinishni aks etgan.

“O‘simliklar sehri” nominatsiyasi bo‘yicha “Tumandagi krokuslar” eng yaxshi surat deb topildi. Tibor Litauskaning suratida gullar beqaror to‘lqinlar qurshovida qolganga o‘xshaydi.