«Ермулккадастр» давлат корхонасининг Олтиариқ туман филиали мутахассиси Э.М. фуқаролар О.Н. ва Ф.Т.га 5 гектар ер ажратиб беришини ваъда қилиб, эвазига 22 минг доллар ва 28,5 миллион сўмни пора тариқасида олаётган вақтида ушланган, дея хабар берди «Дарё» мухбири Азизжон Эрматов.
Маълум бўлишича, бу ҳақда Фарғона вилоят прокурори раҳбарлигида коррупцияга қарши курашиш масалаларига бағишлаб ўтказилган идоралараро йиғилишда маълум қилинган.
Йиғилишда маълум қилинишича, Учкўприк тумани қурилиш бўлими бошлиғи Д.М. фуқаро А.Ҳ.га тегишли бўлган хусусий шифохона лойиҳаси ҳужжатларини тасдиқлаб бериш эвазига 800 минг сўм, фуқаро А.С.нинг турар-жой биноларига техник лойиҳа ҳужжатларини тасдиқлаб бериш эвазига эса 250 минг сўм пулларни пора тариқасида олган.
Шунингдек, Марғилон шаҳар аҳоли бандлигига кўмаклашиш маркази директори ўринбосари А.М. 2020 йилнинг апрель ойида «Чилонзор» маҳалла фуқаролар йиғинида ўтказилган текширишда аниқланган қонунбузилишлари бўйича далолатнома расмийлаштирмаслик ва ҳужжатларни ҳуқуқни муҳофаза қилувчи органларга юбормаслик эвазига МФЙ котиби З.У.дан 2 миллион 300 минг сўм миқдордаги пулларни пора тариқасида олган вақтида ушланган.
Изоҳ (0)