Австралиялик оила Рождество арчаси ичидан коала топиб олди. Унга дарахт ёқиб қолиб, меҳмонга келишга қарор қилган

Авсралиянинг Аделаида шаҳрида яшайдиган Маккормиклар оиласи уйидан узоқлашиши билан коала уй ичидаги Рождество арчаси устига чиқиб олди. Бу ҳақда The Guardian хабар берди, деб ёзади Esquire.

Маълум қилинишича, 2 декабрда Маккормиклар уйдан кетаётганида охирги бўлиб 16 яшар Тейла чиққан. Аввалига у эшикни ёпган, чироқни ўчирганига амин бўлган ҳамда итни ташқарида қолдирган. Бир неча соатдан кейин уйга қайтган оила аъзолари коала дарахтни емоқчи бўлгани лекин, унинг сунъийлигини билиб ейишдан тўхтаганига гувоҳ бўлган.

This koala has single handedly saved 2020. Full story up soon on @GuardianAus pic.twitter.com/NGvURdOTuJ

— Matilda Boseley (@MatildaBoseley) December 3, 2020

Улар эшик очиқ вақти коалани уйга киришга улгурган, деб ўйламоқда. Тейла коалага Дафна деб лақаб қўйган ва унинг сурат ва видеоларини ижтимоий тармоққа жойлаган. Танишлари ҳайвоннинг ҳақиқий эканига ишонмагани сабаб Тейла коаланинг кўзларини пирпиратгани тасвирланган видео лавҳа билан бўлишган.

Аввалига бу воқеа юз берганига ишонмаган маҳаллий коала ҳимоя қилиш ташкилоти, кейинроқ Facebook саҳифасида коаланинг Аманда Маккормик оиласининг хонадонига кириб арчаси устига чиқиб олгани ҳақида ёзиб қолдирган.

Ташкилот ходими Ди Хирн-Хеллоннинг маълум қилишича, ёши 3-4 атрофида бўлган коаланинг саломатлигида муаммо бўлмаган. Мутахассис коала дарахтга қизиққани сабаб ҳам уйга кириб кўрган бўлиши эҳтимоли йўқ эмас деган фикрда.