Футбол бўйича Coca-Cola Суперлиганинг сўнгги — 26-туридан ўрин олган учрашувлар 3 декабрь, пайшанба куни бўлиб ўтди.
Суперлиганинг сўнгги тури мусобақани тарк этадиган ва ўтиш ўйинида иштирок этадиган жамоалар номини аниқлаб берди.
Сўнгги ўриндаги «Бухоро» сафарда ОКМКга қарши баҳс олиб борди. Дастлаб Азиз Ибрагимовнинг голидан кейин олдинга ўтиб олган бухороликлар, кейинчалик ўз дарвозасидан учта тўп олиб чиқди ва мағлубиятга учради.
13-ўриндаги «Андижон» эса чемпионлик масаласини ҳал қилиб қўйган «Пахтакор» билан ўйнади. Драган Черан ва Жавоҳир Сидиқовнинг голлари «шерлар»га ғалаба олиб келди. 12-поғонадаги «Сурхон» ҳам ушбу турда ютқазди.
Шу тариқа, «Бухоро» 14 очко билан сўнгги ўринни эгаллади ва Про-Лигага равона бўлди ва унинг ўрнини келаси мавсумда «Турон» эгаллайди. 13-поғонада қолган «Андижон» эса Про-Лигада 2-ўринни эгаллаган «Нефтчи» билан ўтиш ўйинида иштирок этади.
Эслатиб ўтамиз, мусобақанинг дастлабки учта ўрин эгалари аввалги турларда аниқ бўлиб улгурганди.
Мусобақа жадвалининг якуний кўриниши қуйидагича кўриниш олди:
Coca-Cola Суперлига
26-тур баҳслари
3 декабрь, пайшанба
«Пахтакор» — «Андижон» 2:0
Голлар: 1:0 – 32 Черан, 2:0 – 33 Сидиқов.ОКМК — «Бухоро» 3:1
Голлар: 0:1 – 15, пенальти Ибрагимов, 1:1 – 45+2 Ғофуров, 2:1 – 57 Ғофуров, 3:1 – 88 Григалашвили.«Сурхон» — «Сўғдиёна» 1:2
Голлар: 0:1 – 8 Рашидов, 1:1 – 58 Касян, 1:2 – 80 Норхонов.«Қизилқум» — «Бунёдкор» 1:1
Голлар: 0:1 – 29 Қодирқулов, 1:1 – 76 Азимов.«Машъал» — «Металлург» 1:0
Гол: 1:0 – 7 Муртазоев.«Қўқон-1912» — «Навбаҳор» 1:1
Голлар: 0:1 – 73 Аҳмедов, 1:1 – 75 Рўзиев.«Насаф» — «Локомотив» 0:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)