Futbol bo‘yicha Coca-Cola Superliganing so‘nggi — 26-turidan o‘rin olgan uchrashuvlar 3-dekabr, payshanba kuni bo‘lib o‘tdi.
Superliganing so‘nggi turi musobaqani tark etadigan va o‘tish o‘yinida ishtirok etadigan jamoalar nomini aniqlab berdi.
So‘nggi o‘rindagi “Buxoro” safarda OKMKga qarshi bahs olib bordi. Dastlab Aziz Ibragimovning golidan keyin oldinga o‘tib olgan buxoroliklar, keyinchalik o‘z darvozasidan uchta to‘p olib chiqdi va mag‘lubiyatga uchradi.
13-o‘rindagi “Andijon” esa chempionlik masalasini hal qilib qo‘ygan “Paxtakor” bilan o‘ynadi. Dragan Cheran va Javohir Sidiqovning gollari “sherlar”ga g‘alaba olib keldi. 12-pog‘onadagi “Surxon” ham ushbu turda yutqazdi.
Shu tariqa, “Buxoro” 14 ochko bilan so‘nggi o‘rinni egalladi va Pro-Ligaga ravona bo‘ldi va uning o‘rnini kelasi mavsumda “Turon” egallaydi. 13-pog‘onada qolgan “Andijon” esa Pro-Ligada 2-o‘rinni egallagan “Neftchi” bilan o‘tish o‘yinida ishtirok etadi.
Eslatib o‘tamiz, musobaqaning dastlabki uchta o‘rin egalari avvalgi turlarda aniq bo‘lib ulgurgandi.
Musobaqa jadvalining yakuniy ko‘rinishi quyidagicha ko‘rinish oldi:
Coca-Cola Superliga
26-tur bahslari
3-dekabr, payshanba
“Paxtakor” — “Andijon” 2:0
Gollar: 1:0 – 32 Cheran, 2:0 – 33 Sidiqov.OKMK — “Buxoro” 3:1
Gollar: 0:1 – 15, penalti Ibragimov, 1:1 – 45+2 G‘ofurov, 2:1 – 57 G‘ofurov, 3:1 – 88 Grigalashvili.“Surxon” — “So‘g‘diyona” 1:2
Gollar: 0:1 – 8 Rashidov, 1:1 – 58 Kasyan, 1:2 – 80 Norxonov.“Qizilqum” — “Bunyodkor” 1:1
Gollar: 0:1 – 29 Qodirqulov, 1:1 – 76 Azimov.“Mash’al” — “Metallurg” 1:0
Gol: 1:0 – 7 Murtazoyev.“Qo‘qon-1912” — “Navbahor” 1:1
Gollar: 0:1 – 73 Ahmedov, 1:1 – 75 Ro‘ziyev.“Nasaf” — “Lokomotiv” 0:0
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)