Латвиялик дизайнер Санта Купча пандемия пайтида ўзини изоляция қилиш ва дўстлари билан видео чат орқали мулоқот қилиш учун мўлжалланган қобиқсимон кийимлар тўпламини яратди, деб ёзади Esquire.
Фото: Esquire
Кўрпача ва ёстиқларни эслатувчи қавилма либос ва шляпаларнинг ичи юмшоқ бўлиб, атлас матосидан тикилган. Бундай либосда инсон ётиши, ўтириши ёки ўзини худди каравотдагидек ҳис қилиши мумкин.
Фото: Esquire
Либослар нафақат қулай, балки кўркам кўринишга эга. «Изоляция жараёнида ҳар куни одатийдек туюлади, аммо бунга бошқа томондан ёндашиш мумкин. Бунинг учун шунчаки ҳар ким ўзини уйнинг маликаси ёки қироличасидек ҳис қилиши керак», − дейди дизайнер.
Фото: Esquire
Санта Купчанинг айтишича, дўстлари билан доимий суҳбат ёки Zoom’да ишлаши унда гўёки йиғилишда ўтиргандек тасаввурни уйғотган, ваҳоланки, уйида бўлса ҳам. Шунинг учун ҳам у либослари ёрдамида ушбу ҳис-туйғуларни енгишни хоҳлаган.
У коллекция учун барча матони карантинни ўтказган уйидан топди. Айримлари аввалги ишидан ортган қолдиқлар бўлса, уларни тўлдириш учун кўрпачалардан ҳам фойдаланган. У матодаги нақшларни оддий принтерда босиб чиқарган.
Фото: Esquire
«Жуда узоқ вақт ҳаракатсиз қолишим қийин. Шунинг учун ҳам ташқарига чиқиш ва мулоқот қилишга тайёрлик ҳисини уйғотадиган кийимлар яратмоқчи бўлдим», − дея қўшимча қилади дизайнер.
