Italiyaning mashhur Bottega Veneta brendi Yangi yil munosabati bilan yangi tufli modelini taqdim qildi. Bu haqda Hypebae nashri xabar berdi.

Foto: Hypebae

Poyabzal, kiyim-kechak va aksessuarlarga o‘ziga xos yondashishi bilan yaxshi ma’lum bo‘lgan brend Yangi yil arafasida charm tufli modelini taqdim qildi. Ma’lum qilinishicha, yangi model Almond Pump deb nomlangan.

Foto: Hypebae

Old qismi uchli to‘rtburchak shaklga, ichki qismi rezinkali ko‘rinishga ega bo‘lgan poyabzal poshnasining o‘rtasi ichkariga kirgan va mayda yaltiroq tangachalar bilan bezalgan. Tag qismi ingichka qoplamadan iboratligi bilan dizaynini yanada didli ko‘rsatadi.

Foto: Hypebae

Tufli uch xil — lavanda, pushti va limon rangida taqdim qilingan. Mazkur tuflilarni brendning rasmiy saytida 888 dollar, ya’ni 9 219 660 so‘mga xarid qilish mumkin.

Foto: Hypebae

Avvalroq Bottega Veneta’ning moda olamidagi boshqa yirik brendlar singari koronavirusga qarshi kurashda qanday yordam berayotgani haqida ma’lumot berilgandi.