Машҳур болалар одатда ота-оналари танлаган касбнинг қийинчилигидан хабардор бўлади. Лекин уларда бошқа имкониятлар бўлса ҳам, айнан ўша машаққатли йўлни танлайди. Қуйида нафақат дунёга танилган, балки ота-онасини ҳам ҳайратда қолдиришга муваффақ бўлган Голливуд юлдузлари билан танишиб чиқиш мумкин.
Женнифер Энистон
Женнифернинг отаси Жон Грецияда туғилган, аммо тез орада оиласи билан Америкага кўчиб келган. Театр бўйича таълим олганидан сўнг у ҳаётини телевидение билан боғлашга қарор қилган ва энг узоқ давом этган «Ҳаётимиз кунлари» сериалида роль ижро этган. Сериал 1965 йилдан эфирга узатилган ва у ерда Жоннинг қизини ҳам бош роллардан бирини ижро этган.
Женнифер карьерасининг бошида отаси уни бир неча бор йўлдан қайтаришга урингани ва оддийроқ касб танлашни таклиф қилганини тан олган. Лекин Женнифер ҳаммадан ҳам кўра кўпроқ қалбига қулоқ солган ва бу борада тўғри қарор қилганини унинг муваффақиятига қараб ҳам билиш мумкин.
Жейк Жилленхол
Кино саноати нафақат таниқли актёр Жейк Жилленхол ҳаётида, балки унинг бутун оиласида ҳам муҳим роль ўйнади. Унинг отаси Стивен Жилленхол «Менталист» ва «Твин Пикс» сериалларига режиссёрлик қилган. Актёрнинг онаси эса сценарийнавис бўлиб, ҳаттоки «Оскар» ва «Олтин глобус» мукофотларига номзодлиги қўйилган. Жейкнинг ўзи эса дунё миқёсида тан олинган актёрларнинг бири ҳисобланади. Бунга унинг ижорсидаги роллар ҳамда кўплаб мукофотлари исбот бўла олади.
Лора Дерн
Лора Дерннинг ота-онаси энг нуфузли мукофотларга номзод бўлган таниқли актёрлардир. Брюс Дерн бир қанча таниқли режиссёрлар – Квентин Тарантино, Френсис Ford Копполанинг фильмларида суратга тушган. Унинг рафиқаси Даян ҳам телесериалларда рол ижро этган машҳур актриса. Шунинг учун ҳам Лара бошқа йўлни танлай олмади. У 6 ёшидан актёрлик фаолиятини бошлаган. У ҳанузгача турли жанрларда тажриба ўтказишда давом этмоқда ва унинг мукофот-у номинациялари йилдан йилга ортиб бормоқда.
Дрю Брримор
Дрю Бэрримор ҳам актёрлар сулоласидан. Ота томондан қариндошларининг аксарияти кино соҳасида муваффақиятга эришган. Энг қизиғи шундаки, Дрю актрисаликни 11 ойлигидан бошлаган. У ҳанузгача Голливуднинг энг ёрқин ва талабгир юлдузларидан бири ҳисобланади.
Лили Коллинз
Лили Коллинз – 8 та «Гремми» мукофотини олган инглиз рокери Фил Коллинзнинг қизи. Лили ҳам аллақачон кино соҳасида катта тажрибага эга актрисалардан саналади ва унинг навбатдаги ишларидан бири «Эмили Парижда» машҳур сериалидир.
Гвинет Пелтроу
Гивент нафақат тадбиркорликда, балки кино соҳасида ҳам муваффақият қозонди. Таниқли режиссёрлар билан ишлаган ва энг кассабоп фильмларда суратга тушган Голливуднинг энг яхши актрисаларидан бири. У ўзининг истеъдодини онаси – «Ота-оналар билан танишув» комедиясидаги Дина Бёрнс роли билан танилган америкалик актриса Блайт Даннердан мерос қилиб олган. Гвинет ҳамиша онасининг у ва акаси билан кўпроқ вақт ўтказиш учун бир қанча роллардан воз кечганини тан олган.
Кейт Хадсон
Кейт Хадсон америкалик таниқли актриса Голди Хоун ва қўшиқчи Билл Хадсон оиласида дунёга келган. Афсуски, унинг ота-онаси тез орада ажрашиб кетган. Голливуд гўзалининг карьерасидаги ютуқ «Деярли машҳур» фильми бўлди. Картина унга «Оскар» мукофотининг «Энг яхши иккинчи даражали актриса» номинацияси бўйича ғолибликни келтирди ва янги муваффақиятли лойиҳаларга йўл очди.
Изоҳ (0)