Декабрь ойида қизларнинг асосий вазифаси Янги йил байрамига тайёргарлик кўришдир. Шунингдек, уларни кўйлак, турмак ва маникюр дизайни бўйича бир қанча саволлар қийнайди. Қуйида маникюр учун таклиф этилган байрамона дизайнлар ана шу саволларнинг бир қисмига жавоб бериши мумкин.
Қишда тирноқларга одатда қор парчалари нақшини тушириш кўпроқ кузатилади. Сабаби ушбу нақшлар байрамона кайфият бағишлаши шубҳасиз.
Йил давомида ранглар уйғунлигидан фойдаланилмаган бўлса, бу байрамона маникюр учун айни муддао. Айниқса, оқ ва яшил, пушти ва ҳаворанг комбинацияси ажойиб кўринишни ҳосил қилади.
Байрам арафасида янада ёрқин рангларга эътибор қаратиш керак. Улар айнан қайсидир кийимга мос бўлиши шарт эмас, ёрқин ранглар одатда турли услубга мос тушади.
Ялтироқ кукун ёрдамида ёғаётган қор тасвирини тирноқда осонгина акс эттириш мумкин.
Агар юқоридаги вариант маъқул келмаса, унда шунчаки тошлар билан безак бериш керак.
Бир хил рангли бўёқлар ҳеч қачон урфдан қолмайди. Ундан байрам ёки оддий кундалик ҳаётда ҳам фойдаланиш мумкин.
Ўзига ишонган хонимлар учун ушбу кўринишдаги маникюрлар жуда мос келади. Бу каби услубда жиддийлик ва байрамона кўриниш уйғунлашган.
Изоҳ (0)