Косметолог фикри: Гўзаллик салонларидаги қайси машҳур муолажалар ҳеч қандай самара бермайди?

Бугунда кўпчилик аёллар умуман бошқача таъсир кутаётган юз парвариши билан боғлиқ жараёнларни соҳа мутахассислари самарасиз деб ҳисоблайди.

Карбонли пилинг

Пилинг жараёнида мижоз юзига қора аралашма сурилади ва қисқа лазер нури билан юз соҳасига таъсир ўтказилади. Мутахассисларнинг фикрига кўра, енгил энергия терини чуқур тозалайди. «Бу мутлақо фойдасиз жараён. Лазер қора углеродга пахта билан таъсир қилади. Юзнинг қора қисми эса пахтадан кейин оқариб кетиши мантиқан тўғри. Аммо терида бундан ортиқ ҳеч нарса юз бермайди», дейди 22 йиллик тажрибага эга шифокор-дерматовенеролог, косметолог Татьяна Баллирано.

Жарроҳликсиз ринопластика

Ушбу жараёнга бурундаги нуқсонларни бартараф этувчи деб кўпчилик томонидан таъриф берилган. Косметологнинг фикрича, бунинг барчаси вақтинча. Жараённинг афзаллиги реабилитациянинг йўқлиги, нархи ҳам унчалик қиммат эмаслигида. Афсуски, жараён мижозларда кейинчалик турли тошмалар тошишига ҳам олиб келиши мумкин.

Плазмолифтинг

Беморнинг ўз плазмасидан фойдаланишга асосланган терини ёшартириш учун инъекция усули. Соф плазмолифтинг, яъни тоза қонимиз қўшимчаларсиз  юборилганда тўқималар фақат даволанади. Лекин плазманинг ёшартирувчи таъсирга эга эканлигини ваъда берадиганлар эса шунчаки ёлғон гапиради.

Инъекциясиз мезотерапия ва биоревитализация

Бугунги кунда уколга альтернатив сифатида замонавий қурилмаларни реклама қилиш оммалашган. Таъкидланишича, ушбу қурилмалар гиалурон кислотаси билан инъекция қилишдан кўра ёмон натижани бермайди. Афсуски, гиалурон кислотаси молекуласи жуда катта, тери тешиклари эса жуда кичик, дори воситасини босим ёки ишқалаш орқали терига сингдириш мумкин эмас.