Донли маҳсулотлардаги оқсил моддасини қабул қилмаслик учун рациондан буғдой, жўхори, арпа ва жавдар таркибли барча маҳсулотни чиқариб ташлаш керак. Тушлик, кечки овқат учун ечим топишга вақт етади. Аммо нонуштага нима қилиш мумкин? Қуйида бунинг учун бир қанча таклифлар мавжуд.
Пишлоқ ва қовоқчадан оладье
Керакли маҳсулотлар:
- Тухум – 2 дона;
- Қовоқча (кабачки) – 100 грамм;
- Моцарелла пишлоғи – 25 грамм;
- Ёғсиз қаймоқ – 1 ош қошиқ;
- Ўсимлик ёғи, кўкат, туз ва зираворлар.
- Тухум қаймоқ билан яхшилаб кўпиртирилади. Туз ва зираворлар қўшилади;
- Қовоқча ва пишлоқ қирғичдан ўтказилиб, тухумли аралашмага қўшилади;
- Тайёр бўлган аралашма ош қошиқда оз-оздан олиниб, қизитилган ёғда икки томони қизаргунча пишириб олинади. Егулик кўкатлар билан безатилади.
Керакли маҳсулотлар:
- Қайнатилган гуруч – 100 грамм;
- Олма – 50 грамм;
- Сут – 50 мл;
- Ёнғоқ, ванил, майдаланган долчин.
- Гуруч аввал 150 мл сувда қайнатиб олинади.
- Гуруч суви қайнаб тугагач, устидан сут қуйилади. 5-7 дақиқа давомида қайнатилади.
- Олма пўстлоғи ва уруғидан тозаланиб, майда кубик шаклида тўғралади. Сўнгра бўтқага қўшиб, аралаштирилади. Таъбга кўра ёнғоқ, ванил ва майдаланган долчин солиш мумкин.
- Шунингдек, олма ўрнига қовоқ ҳам қўшиш мумкин.
Керакли маҳсулотлар:
- Тухум – 1 дона;
- Помидор – 50 грамм;
- Бодринг – 50 грамм;
- Кўкат аралашмаси – 50 грамм;
- Ўсимлик ёғи, соя соуси, туз ва зираворлар.
- Стакан ичига озиқ-овқат плёнкаси солинади, ичи ёғланиб, тухум чақилади. Туз ва зираворлар қўшилгандан сўнг плёнка четлари аста бирлаштирилади. Қопча шаклига келтирилиб, ип билан боғланади. Қайнаётган сувга солиб, 4 дақиқа давомида пиширилади.
- Плёнка аста қайчи ёрдамида кесилиб, тухум тарелка устига жойлаштирилади.
- Бодринг ва помидор майда тўғралади, устидан кўкат, туз ва зираворлар, соя соуси қуйилиб, аралштирилади. Сўнгра салатнинг устига пиширилган тухум қўйилади. Ушбу салатни ҳар ким дидига кўра безатиши мумкин. Ёқимли иштаҳа!
Изоҳ (0)