Hyundai Motor Group таркибига кирувчи Genesis маркаси GV70 кроссоверига ўрнатиладиган янги биометрик идентификация технологиясини эълон қилди. Унинг ёрдамида автотураргоҳ ва ёқилғи қуйиш шохобчаларида тўловларни амалга ошириш, шунингдек, двигатель ва шахсий созламаларни фаоллаштириш мумкин, деб хабар беради Motor.
In-vehicle Easy Payment Genesis CarPay Interlocking Fingerprint Authentication System номини олган технология двигателни ўт олдириш тугмаси остига ўрнатилган бармоқ изи датчиги ҳисобланади. Унинг ёрдамида Genesis CarPay тўлов тизими орқали идентификациядан ўтиш, шунингдек, Valte Моde сервис режими орқали турли хизматларга тўловларни амалга ошириш мумкин.
Энг муҳими — бармоқ изи сканери ёрдамида автомобиль двигателини, шунингдек, шахсий созламаларни фаоллаштириш мумкин: руль, ўриндиқ ва дисплей проекциясининг ҳолатини, мультимедиа овози ҳамда навигацион тизимдаги сўнгги маршрутни.
Дактилоскопик датчик — Genesis GV70’нинг ягона янгилиги эмас. Кроссовер йўловчиларга орқа ўриндиқлар ҳақида эслатиб турувчи Rear Occupand Alert (RОА) тизими имкониятларини кенгайтирувчи радар сенсор билан ҳам жиҳозланади. Эндиликда RОА нафақат қўл ва оёқнинг, балки кўкрак қафасининг ҳам ҳаракатларини пайқай олади — масалан, тизим ухлаётган ёки уйғонган чақалоқ ҳақида маълумот беради. Шунингдек, Advanced-RОА ҳайвонларни «кўра олади».
Genesis GV70 кроссовери октябрь охирида тақдим этилганди. Модель 2,5 литрли Theta III бензин двигатель, 3,5 литрли мотор ва 2,2 литрли дизель ёрдамида ҳаракатга келади. Барча агрегатлар саккиз поғонали узатмалар қутиси ёрдамида бошқарилади.
Аввалроқ Hyundai компанияси Toyota Land Cruiser’га рақобатчи яратишни режалаштираётгани тўғрисида хабар берилганди.
Изоҳ (0)